( الكـلمه الحـ ل ـوة ) تـ خ ـرج بنآ من قوقعه العذاب ..
وتحطم القـ ف ـص الصدري للألم ..
وتجعلنا نصبر في سأحات اصبر ..
نمسح حبات الـ ع ـرق بـ ح ـب ..
ونفرح مع كل الأعباء ..
|
الكلمة الحلوة هي فن الانسان يكتسبه
مو جينات يتوارثها
ازا كان الطفل من هوا صغير حتى كبر يسمع كلمة حبيبي ياعمري وكلام الدلع الحلو ولقى افراج اسرتو مهتمين فيه
تلاقي وهوا كبير بسهولة ممكن يناديه الاشخاص بدي الالقاب وبسهولة يتكلم كلام حلو مع المحيطين فيه
لأنو اتعود يسمعها كتير اتعود انو يسأل عن الغايب ويهتم في الحزين ويهدي الغضبان
لكن لما يجي ام واب في اول 5 سنين يسمع الطفل كلمة حبيبي
ويكبر بعدها على صراخ وتهزيء ونادرا ما يسمع الكلام اللطيف
حيواجه صعوبة في التعامل مع الاشخاص حواليه
هنا لازم يبذل جهد أكبر انو يحاول يعدل شخصيتو ويكون لطيف حتى لو كان مصطنع
في البداية حيواجه صعوبة كبيرة وحيستغرب من نفسو
بعدها يلاقي الكلام يخرج من قلبو تلقائيا
يعني في ناس تقولك ما اقدر اقول الكلام الحلو دا
خصوصا الرجال
بعد فترة الخطوبة والزواج تلاقيه يحب الانسانة اللي فحياته ويموت فيها
ومع كدا ما تلاقيها تسمع منو كلمة حلوة
ولما تسألو عن السبب يقولك ما اعرف
??so what
اتعلم تقولو
مو عيب الواحد يتعلم كيف يتكلم كلام حلو
محد خرج من بطن امو وهو لطيف وعسول ولزوز وكيوت وكل حاجة
إنما الطبع بالتطبع يعني الواحد يعود نفسو انو يكون انسان لطيف وبعد كدا هوا من جوتو راح يتغير
يســـلمو يا ذوق
منجد زوقك مرررا حلو ما شا الله
تسلم يدك