رد: هل للمال تأثير في مستقبل الطالب ونجاحه أو فشله في الحياة العمليه
دور المال مهم ومحد يقدر ينكر الشي دا
لـكن عدمه أو قلته ما يعني انو الانسان دا راح يفشل
هوا راح يفشل ازا حط فبالو انو ازا مافي فلوس انا ما بسوى شي
الواحد يبدأ صغير ويكبر حبة حبة
حتى اللي عندهم خير كتير ما شا الله ناس كتير منهم تدي لابنها الدفعة الاولى بس
وبعد كدا تخليه يعتمد على نفسو
وساعات تلاقي الولد نفسو يقولك انا ما ابغى اطلع على اكتاف غيري
ابغى اوصل بنفسي
وتلاقي ناس ماعندها وشايفة انها ما تقدر تسوي شي ولا تقدر تكون شي لمجرد انو ماعندها
ماهو ياما سمعنا ناس ماعندهم واولادهم صاروا يشار لهم بالبنان ما شا الله
وياما ناس عندهم ولا فادهم الي عندهم
دا يعتمد على قيم الانسان وشخصيتو وفكره
ودايما اللي يطلع حبة حبة
هوا اللي يدوم في النهايةوهو اللي يحس بطعم النجاح
لا تحسبن المجد تمرًا أنت آكله لن تبلغ المجد حتى تلعق الصبر
يعني اكيد لازم الانسان يواجه صعوبات فحياته العلمية والعملية مو شرط تكون مال
ممكن تكون اشياء تانية
لكن في الاخر هي اللي تنحت الانسان دا وتصقل معدنو
الله يرزقنا كلنا من فضله
|