.
.
.
صوت قادم من البعيييد
أحلام هنا
إستريحو بالله لاحد يقوم
.
الـ سلام عليكم والرحمه والبركات
كيفكم جميعـاً ان شاء الله بخيـر ..
حقيقةً بجعبتي الكثير من الاستفهامات وهذا حال أغلب المستجدات على مااعتقد
انا من الشرقيـه انقبلت في جامعة الملك عبدالعزيز الحمدلله وجيت سلمت اوراقي
مسار علمي وان شاء الله طب ..
لا اخفيكم ينتابني القلق والحيره لحد الآن مع اني مقبوله لكن لا اعلم ...
حسناً هناك بعض الاستفهامات أود طرحها وبعضها ( خليها مستوره ) نظراً لـ استفحال التناحه فيها
انا الآن مسار علمي وسلمت اوراقي في مبنى 29 هل هذا المبنى هو مقر الدراسه ؟
وبعض صاحباتي يقولون انهم في فرع البنات ماهو فراع البنات ؟ وماهي الجامعه ؟ ( لا اعلم اين انا بالضبط
)
وثانيا كيف أعرف خطتي هي أ أو ب ؟
وثالثا كيف دكاتـرة الطب عندكم بالنسبه للي درسوا طب واريد بعض الانفورميشن
عن الدراسه والتدريس والقاعات والاسلوب وكل ابو اي حاجه
ورابعا هناك احتمال بسيط جدا بأن أحول التخصص الى علوم طبيه فكيف يكون التحويل ومتى ؟؟! اذا ماجاز لي الطب
وخارج النص هل تنصحوني بالطب ام العلوم الطبيه انا ارغب بالطب فعلا لكني متخوفه و لا اعلم فكرت بالعلوم الطبيه لانها اقل في السنين وربما اخف في الدراسه فهل هذه النظره صحيحه ؟!
وخامساً وهي خارج النص ايضا .. انا عاشقه للرسم وفي الشرقيه امارس الرسم وآخذ بعض الدورات فهل سيمكنني اثناء دراستي في جده ان التحق ببعض الدورات وهل لأحد علم بأي جهه تقدم دورات ؟ علما بأني لست في سكن الطالبات بل سكن خاص
وسادسا هل تنصحوني باقتناء بعض الكتب من الآن قبل الدراسه تفيدني أم لا ؟
وسابعاً واخيراً انا قدمت على التعليم العالي وهنا حيرتي الكبرى فـ بكل صراحه هل تنصحوني بدراسة الطب هنا ام في الخارج علما بان الدوله المختاره في ( ايرلندا )
واللي يقدر بكل الصراحه يعطيني رأيه في الفرق لو درست هنا او درست برا من ناحية التدريس واشياء اخرى ؟
لاتقولولي زي منتي حابه وعلى حسب اختيارك
انا ارتحت لما جيت جده وفعلا حبيت الموظفات هناك ماشاء الله وحسيت بشيء من الالفه في جو الجامعه
وايضا عندي الرغبه في الدراسه بالخارج علها تكون تجربه مفيده ولكن برايكم هل هناك فرق؟؟
لو حصل لأحدكم هذين الاختيارين فأيهما سيختار وبكل صراحه ! ( خصوصا للذين درسوا الطب في هذه الجامعه )
وسلامتـــكم ؛
اعذروني على الاطاله واتمنى ان تتقبلو استفساراتي بصدر رحب كما عرفته عنكم
