[فتفوتة سكر]

قصيدة رهيبه
روعتها في القوة واللهجه الرائعه أموووووووت انا في هاللهجه
ابدع الشاعر سعد الطلحه ما شاء الله
اللي عندو هالقصيده صوت او فيديو لا يبخل علي

وهادي هي الكلمات

القلب يحزن والمدامع غزيره .................. في جوفي نار من لهبها تباكيت
والدار ظلمه كانت أمي تنيره .................. يايمه وينك من دونك خلا البيت
قلبي تفطر على الفرقا المريره ................ ءامنت بالله وبأقداره ترضيت
الموت حق وكل له مصيره ................. وموت النبي قبلك تعزيت
هذي هي دنيانا يايمه قصيره ................ مهما يطول العمر توقيت
هذا جلالك وريحتك في عبيره............... كل يوم أشمه وليا شفته تهنيت
صوتك يايمه يا محلا أثيره ................ وحنانك يمه يخليني تدفيت
من يوم رحتي والمشاعر أسيره .............محد أفضفضله وبصمتي تسجيت
يوم كنتي عندي وكأني أمير ديره..............كلن يناديني يقول لي تعال هيت
ويوم رحتي يمه وكأني في جزيره ............وحيد فيها عن الناس تواريت
أجيد وأيخ في وقت الظهيره.................محد سأل عني يقول لي تغديت
وأبيت ليلي وعيوني سهيره.................. كم من ليالي نايم ما تعشيت
ظروف يمه تواجهني عسيره ................الشكوى لله بظروفي تعنيت
ياكم تعلم من معاني غزيره ..................يا منهل التعليم منك ترضيت
كم قصة قلت وللماضي نسيره...............ولا جيت عندك بسواليفك تسليت
آه يايمه النظرات الأخيره ................ مليت كفي تراب ثم حثيت
إبشري يمه بدعوات كثيره ................كلما ذكرتك وللرحمن صليت