[بوليمر®]

زي ما قالوا الزملاء استخيري واتوكلي على الله ،، ولا تخلي الهواجس تثبطك والله يكتب لك التوفيق

ياليت لو احد اترشح معايا او احد من اقرابه يقول ودي اسال عن باقي لاجراءت وتطول اولا

عندي اختي متخرجة لو اقولك ما تصدقي تقريبا من عام 99 ميلادي وتخصص رياضيات وكل ما تقدم مافي قبول ،، عاد السنة قدمت على حائل والحمدلله جاها القبول
،،
لكن يا فرحة ما تمت شروط وتعقيد شي مو طبيعي
راحت لحائل وطابقت الاوراق وكل شي وارسلوا لها رسالة ان تم قبولها للترشيح على ما اعتقد ورجعت ثاني مره لحائل وطالبين منها انها لازم تكون ساكنة في حائل أو بالاصح في نفس القرية اللي جاها فيها التعين (الحائط) وزوجها لازم كمان يكون شغال هناك ويجيب ما يثبت ذلك (ورقة من التأمينات)

عافت الوظيفة ورمت لهم الأوراق ورجعت اليوم في انتظار رأي وزراة التعليم على ما اعتقد في الرياض اذا يقبلوها او لا

فالله يكتب لكم اللي فيه الخير وينولكم مرادكم