[*rainbow*]

المشاركة الأصلية كتبت بواسطة رزان22 rainbow اولا مايامر عليكي عدو ياعسل --والله-- انا ماادري اسال عن ايش واترك ايش احسه عالم ثاني وصعب التاقلم فيه وماتدري عن البنت الي معك نفس الغرفه كويسه ولالا لانهم قالوا السنه التحضيريه مع بعض يعني انا خايفه مرررررا امكن انتي تعودتي عليه ياليت تحكيلي بالاسابيع الاولى كيف تكون الاجواء بالسكن -----عشان اعطيكي هديه اول ماادخل السكن-----هههههه-----اختك-----r-----

عادي حبيبتي خدي راحتك مو احنا كنا زيك واكتررر،،

شوفي انا كدا كنت اقول صعب اتأقلم لاني عمري ما سبت اهلي
فكيف لفتره طويله ومافي احد اعرفو معايا وكداا،،
اول شي دحين جاي رمضان ادعي ربنا قد ماتقدري يسخرلك بنت احسن منك وقولي كل الصفات الي تبغيها فيها وان شاالله ربنا يحققلك الي تتمني واكتر،،
وبعدين لوكانت البنت سنه تخضيريه زيك مره اريح ليكي يعني دوامكم قريب من بعض نفس المواد تزاكرو مع بعض تصحو سوا تنامو سوا كدا يعني،،
انا سكنت مع وحدا اكبر مني بعدين طلبت نقل مع وحدا زيي سنه تحضيريه،،
الغرف على حسب في كدا وفي كدا انتي وحظك<<على حسب البنت الي كانت ساكنه قبلك في الغرفه،،
بس مو مشكله ممكن تطلبي صيانه وبسرعه ترى يسوولك الي تبغي من ضرب بويا او تصليح اي شي معدوم،،
وازا اول يوم ماجات روميتتك او مامداكي تخلصي تنضيف وكدا الله يحيكي عندي في غرفتي المتواضعه :)
اول الايام ممكن تكون صعبه شويه لانو اول مرا تبعدي عن اهلك وتروحي مكان جديد كل شي حيكون جديد بالنسبه ليكي،،
ولاا تخافي ولا شي بنات السكن حبوبات ولو طلبتي من اي وحدا شي صدقيني ماراح تقصر معاكي لاننا كلنا بنمر بنفس الظروف وحاسين ببعض،،
والله نفسي اشرحلك اكتر بس احسن اني طولت ^_^
انتي من فين ياقمر؟