[soma al7elwa]

أنا ما قلت غلو يا سو

ورجعت اعتذرت ووضحت قصدي

ولا تزعلي الملتزمين وليس المتشددين وليس الغلو في الدين وليس كل شي انتو مفكرينو

وزي ما قال طموح المجد موجهة فقط لملتزمين السعودية

يعني حتى ملتزمين مصر والشام والدول الخليجية الاخرى ما تعتبر موجهة لهم

بالنسبة للاغاني في قناة فور شباب

احنا بنسمع اغاني كدا ولا كدا

نسمع شي مفيد ونلاقي اغاني هادفة اولى من اننا نفضل طول الوقت على الاغاني اللي حبيبي وحبيتك وعشقتك

انا ما اقول اني ما بسمع اغاني عادية بسمع لكن برضو بسمع اغاني حلوة في فور شباب

زي ما قلت القنوات الي اتكلمت عنها من اكبر مميزاتها انها ما تتحيز لفئة معينة

يعني زي ماهو عندنا المجد للملتزمين في لستة قنوات لأهل الشيعة فقط

هل هما بيكلمونا احنا أهل السنة؟؟

هل من حقنا نقارن أحد قنواتهم وقناة mbc مثلا؟؟

نفس الشي المجد هي موجهة لفئة معينة تستهدفهم مو تستهدف كل المسلمين

تستهدف المسلمين المؤمنين وما تستهدف المسلمين فقط

زي ما تحبو تسموها سموها

ما ينفع نجي ونقارنها بقناة عامة زي mbc

ياريت تكون وجهة نظري بانت