[روووني]

ايشبكم ياناس اهدأو شويه احس المندى العام من يوم مابدأرمضان كلو مضاربه وهو لسه ماكمل يومين

احم احم تعليقي على الموضوع:

شكلها رنا اتعرضت لمواقف كتير مع الخدامات خلاها تنقهر كتيرمن اللي جابوهم وبالزات موقف اختها بصراحه لو انا مكانك ارميها من فوق الدرج ولااطعنها بسكينه لين تنزف وتموت يعني احنا مااتعرضنا لموقفها عشان نحكم والله يحمينا يارب ويبعدنا عن شرهم

وازا كان زي ماقالت ابوها يخلي الخدامه تكلم اهلها بدون مقابل مادي فهذا كرم كبييير منهم وازا كان اغراضها كامله

وكل شي متوفر فهدي حاجه مرره حلوه

واتفق معاكي انو بلاويهم كبيره وانو للاسف بعضهم كل ماتحسني كل مايسيئو ليكي بس فيه صنف طيب إن شاء الله تجربيه

واتفق معاكي كمان من ناحيه اللبس فعلا صراحه انا من رأيي الشخصي مو ناقص اني اشوفها لابسه برمودا قدام الرجال

اللي في البيت ولا كاشفتلي شعرها وتتمخطرلي قدامهم احنا عندنا تلتزم بلبسها وبغطا شعرها

بس اختلف معاكي من ناحيه وحده وهي الاحترام مهما كان الاحترام واجب ومن احترامك لنفسك احترامك لغيرك

ولو ربي مااحوجها ماكان جات من بلدها عشان تشتغل بمبلغ بسيط جدا ممكن احنا نصرفو في شوز ولا شنطه لا ونزيد عليه كمان الحمدالله على النعمه يارب لازم نحترمها بليز والله يعافيكي لانها ممكن تسكتلك دحين لكن لمن تسافر تشوفي البلاوي والسحر والله يحمينا يعني الاحترام عشان نفسك وعشان انسانيتها ودا كلو عشان ربي وبس وعشان دعوه المظلوم مستجابه فنحاول كلنا قدر الامكان مانظلمهم ونعطيهم حقهم


بعدين صراحه من بعض ردودك احسك تحترميها فليش تقولي في البعض الاخر غير كدا؟؟

ولاتتهجمو مره على البنت هدي وجهه نظرها هي حره فيها وبعدين ماقالت انها ماسكتلهم عصايه ولا تشغلهم ليل نهار

هي مجرد قالت تعبير بسيط هي يمكن تشوفو صح واحنا نشوفو غلط عشان كده نحاول نعدلو بهدوء وادب واحترام
وهي حره اولا واخيرا

والله يابنت حبيتك اسمك زي اسم اختي وقريب من اسمي

واشكر كاتبه الموضوع على الموضوع النايس