ياعمي تحصل بالهبل سكن
خصوصا مقر الجامعه بالجنوب
واحنا نعرف انو احياء الجنوب شعبيه
لذلك الاجارات ماراح تكون غاليه
فيه احياء قريبه جدا من الجامعه كالنزله ومدائن الفهد
انا اقدر اسميها احياء شعبيه والبعض يخالفني
استاجر فيها وتبعد اقل من 4 كيلو عن الجامعه
والشقق هناك لاحصر لها
والايجار بــ800ريال بالشهر يعني ماراح توصل 1000
طيب كيف حي شعبي يعني اروح الدوام ارجع ما الاقي اغراضي ولا كيف
أما اذا تبغى احياء راقيه مع انه الجنوب كله مافيه ولا حي راقي
لاكن المعنى انها احياء افضل من الاحياء الي ذكرتها لك قليلا
فروح الوزيريه او حي الجامعه او الثغر او السليمانيه
وهذي احياء قريبه جدا من الجامعه ..والاجآر فيها 1000ريال
1500على حسب
همممـ اوكي
____________
اما بالنسبه لطريقة الحجز او الاجار فمايبغالها سوال
طال عمرك تروح عند الشقق المفروشه بعين امها وتنسق مع العامل
ههههههههه يسلمووووووو
وبالنسبه للخدمات فالخدمات متوفره في كل مكان
البيك موجود في كل الاحياء اللي سردتها لك
ومعصوب ابو زيد موجود في كل الاحياء اللي سردتها لك
لاتشيل هم جده مدينه تجاريه اينما ذهبت حتى لو رحت غليل
نتمنى لك التوفيق حيث ماكنت