[عاشق الفهد]

المشاركة الأصلية كتبت بواسطة soma al7elwa بالزبط هوا دا الاختلاط شي والخلوة شي تاني ياقلبي عليكي يا مس كيوت حتلاقي من الجنس دا كتـــــــــــــير أسأليني انا النوعيه دي ياإنو نواياهم سيئة وكل واحد يشوف الناس بعين طبعو وعارفين انو كما تدين تدان عشان كدا خايفين أو انهم من اصحاب العقول المتحجرة بعيد عنك ياقلبي وانا لاحظت دا الشي كتير حواليني الشباب اللي مش ولا بد تلاقيه خانق على اهلو - مفكر كل الناس زيو- والشباب الكويسين تلاقي واثق في اهلو ومن اخلاقهم داك اليوم كنت اتناقش مع مامتي في دا الموضوع وقلتلها انو خلاص ياماما الشباب دحين صاروا منفتحين وفاهمين وعادي عندهم يتزوجوا وبشتغلوا في اختلاط قالتلي لا يا حبيبتي لسه العقول دي موجودة انا جا فبالي اكيد الناس دول مو متعلمين او شي زي كدا او انو بيئتهم اصلا كدا بس لما دخلت عالمنتدى منجد زي ما قالت ماما بالزبط رجال متعلمين وفاهمين ومش عارفة ايه ولسه بالعقول دي شوفي انا قد ما اقدر احاول احترم الناس بكل افكارهم بس والله دي العقليات اتمنى لو إني ................. بلاش اتكلم واعبر كتير عن مشاعري بس لا تخافي زي مافي رجال عندهم دا الفكر المتحجر في رجال يمشوا قدام كل الناس ورافع راسو يقول مرتي دكتورة ولا ممرضة ولا اي عمل في "اختلاط" على قولتهم لأنو عارف مرتو مين وعارف متزوج من بيت مين وعارف تربيتها ايش ماني فاهمة ياقلبي ايش مقصدك؟؟ سو وات لو المرأة اكثر تأثرا وعاطفة؟؟ يعني خايف انها تحب غيره ولا تميل له؟؟ وليش تحب غيره ازا هوا مالي عليها حياتها ومغرقها بحب وحنان؟؟؟ ولا القصة قصة غيره قاتلة وشك وبس؟؟ حقيقة علمية لا مراء فيها "المرأة اكثر وفاء من الرجل" اهااااااااا يعني انتي قصدك انو الشيطان حيغري المرأة ويخليها تحب الرجل اللي معاها في "الاختلاط"؟ طيب يعني نحبس نفسنا فالبيت وبلاش ننزل عالسوق؟ وبلاش يدرسنا دكاترة رجال عشان لا يوسوسلنا الشيطان ونحبهم؟ وبلاش نتفرج على التلفزيون لانو الشيطان حيوسوسلنا ونصير نحب الرجال اللي يطلعوا عالتلفزيون؟ وبلاش نتكلم في منتديات وندخل عالنت لأنو في رجال معانا والشيطان حيوسوسلنا؟ وبلاش نروح الحرم لأنو حنشوف رجال واكتافهم وصدرهم وهما لابسين الاحرام باين وممكن برضو ننفتن بيهم بسبب الشيطان؟؟ وبلاش نعمل أي شي فيه الجنس الاخر متواجد؟؟ يا سكرة الشيطان موجود فكل مكان ويوسوس لكل البشر رجال ونساء كبار وصغار احنا اللي نقدر نتغلب عليه بقوة ايماننا وخوفنا من ربنا :) اختلف معاكي حبيبي فدي النقطة لازم المرأة تحافظ على كل انوثتها ومشاعرها الانثوية حتى لو كانت تعمل فمجال الاختلاط لكن تعرف كيف تتحكم فيها وكيف تضبطها وجهة نظر ^_^

الاخت سوما ارجو احترام اراء الاخرين ووجهاتهم نظرهم يعني انت لك ثقافتك فكذلك هم يعني يامشي على هواك والا اصير مافهم وعقلي متحجر سبحان الله
اطرحي وجهة نظرك واترك حرية الاختيار للغير ياما يتقبلها او يتركها ترى المنتدى صار ساحة حرب بسبب هذه الردود التي لاتحترم الاخر
اسف اخت سوما اذا كان في ردي شي من القساوة لكن اتمنى ان تعامل بصفاء نية وتوصيل وجهة نظرنا بابسط الطرق التي ترضي الغير وتحترم مشاعره
كل عام وانت بخير