[ممكن سؤال]

بالنسبة لمسرحية الليلة الثانية عشر فهي باختصار كالتالي:

المسرحية كومديه تتحدث عن 2 اخوان توام ولد وبنت كانو في سفينة غرقت السفينة اعتقد كل من الاخ والاخت ان الثاني مات غرقا.
تبدأ القصة مع البنت نزلت في مدينة وعرفت ان من افضل وانبل من في هذه المدينة شخص اسمه اورسينو قدمت نفسها له على اساس انها ولد بعد ماغيرت وضبطت نفسها على شان تشتغل عنده

الرجال هذا يحب وحده من علية القوم امسها اولفيا ويرسلها مسولين لكي يقنعوها بالزواج منه وهي ترفض لان اخوها مات وحلفت انها ما تتزوج الا تقابل اي رجل إلا بعد 7 سنين.
البنت اللي قدمت نفسها على انها ولد اسمها وهي بنت فيولا وهي ولد سيزاريو واشتغلت مع الرجال وعينها مرسول الحب بينه وبين عشيقته اوليفيا.
اوليفيا حبت البنت هذي اللي مسويه ولد وتحسبه رجال وتلخبطت امورها فيولا بعد ما حبتها اوليفيا.
البنت اللي مسويه ولد حبت اللي تشتغل عنده حاولت تلمح له انها ماهي رجال لكن مافهمها.
اوليفيا عندها عمه بالبيت عربيد سكير خمير لا وجايب واحد من شلته مبسوط شوي ماديا على شأن يزوجه بنت اخته او اخوه.
عمها سير توبي واللي جايبه انديرا ومهعهم الشغالة الريئسية ماريا حقون خربطه وفيه واحد في البيت مسؤول عن التشريفات وشغل الرسميات وهو شوي مطوع اسمه ملفوليو دائم يتصاقع مع الشلة ايها.
دبروا له مقيدة من تخطيط ماريا كتبت له رسالة على انها من صاحبت البيت وانها تحبه وهو ماهو منتبه لحبها وقام يسوي حركات غريبة على شان يلفت انتباهها وهي استغربت وتحسب انه الرجال مخه ضرب وقام عمها حطه بالغرفة المظلمة اللي يعتقدون ان المجنون لو دخلها ممكن يعقل .
وقام سير انديرا صاحب سير توبي يبي يروح لان شاف البنت ذي ماهي معطيه وجه وكل شويه جالسة مع مرسول الحب البنت اللي مسويه نفسها ولد .
قام سير توبي لانه مستفيد منه ما يبيه يروح وبلف الرجال انه يبارز سيزاريو البنت اللي مسوية ولد وما يدرون انه بنت للحين.
ورطوا الاثنين في مبارزة وكل واحد خائف من الثاني.
ظهر اخو البنت اللي تحسبه غرقان مع كبتن سفينه انقذه والكبتن اعطاه محفظة فلوسه لو احتاج شي منها وبعدين يرجعها
راح الاخو اسمه سباستين في المدينة وهو مايدري ان اخته فيها .
خلال المبارزة هربت البنت اللي مسوية ولد والشلة وراها سير توبي وسير انديرا وواحد ثاني قابهلم اخوها ولان الشبه بينهم كبير جدا وهي مسوية نفسها زي شكل اخوها ولانهم توام حسبوه هي وحاول يضاربوه الا والرجال مختلف عليهم وضربهم ماهو مثل الي اول.
طبت عليهم صاحبت البيت وهم يضاربون مع الاخ سحبته من هم وصرحت له انه تحبه على اساس انه سيزاريوا البنت اللي مسوية ولد
والاخو مستغرب ناس تضاربه ووحده غنية تقوله انها تحبه وتبغى تتزوجه وبالفعل تزوجها وهو فرحان ومستغرب

الاخت قابلت الكبتن اللي عطى اخوها المحفظة قام طلبه المحفظة بسبب الشبه ردت عليه انه نا ما اعرفك اصلاً
تعقدت الامور اكثر بعدين في الاخير ظهر الاثنين الاخ والاخت مع بعض الكل استغرب من الشبه انحلت الامور الاخ تزوج صاحبت البيت الاخت رجعت على انها بنت كما هي في الاصل وتزوجت اللي تشتغل معاه

ومبروك عليهم وسلامتكم

متأسف على الاسلوب لكن هذا من خلال فهمي للمسرحية ومشاهدتي فلم في اليوتيوب خاص بالمسرحية وشكرا