[Alaa Al ghamdi]

المشاركة الأصلية كتبت بواسطة shahoda بس في شئ لفتني من أول مادخلت الموضوع إنهـ الموضوع كان على رفض الأهالي لكلية الطب فجأهـ صآر عن الإختلاط فجأهـ صار عن الصحابيات فجأهـ دخل في تعميم عن بنآت الطب وإنهـ لبسهمـ مو محتشم وكلام زي السم :/ حاجة غريبه أقسم بالله أول مرهـ أشوف كلام زي كذا في حياتي وأول مرهـ أشوف ناس معارضة لكلية الطب بهذي الطريقة رغمـ إني من عائلة ملتزمة وعلى رغم إلتزام عائلتي أخواني في الطب وعماتي في الطب وقريباتي في الطب وكانوا دائما يشجعوني إني أدخل كلية الطب وعمري ماسمعت الكلام اللي قاعدهـ أسمعوا هنآ من كلام جارح :/ بعدين مين قآل إنه نحن مع الإختلاط !!!!! يعني لهذي الدرجة أنا سخيفة أطالب بالإختلاط عند ناس تعبانين ومرضى مين من بنات الطب ماتتمنى إنها تشتغل في مكان مافيه إختلاط لكن هذا الشئ مو بيد أحد هذا بيد الدولة وبعدين مثل ماقالت شفافة في موضوعها حق الإختلاط لمن تتعب بنت وتكون حالتها حرجة وكانت أقرب لبيتهم مستشفى خاصة للرجال رااح يتركوا البنت تموت مارااح يستقبلوا البنت مو كفاية الأخطاء الطبية اللي عندنا بالهبل كمان نخسر أرواح بشر نتيجة فصل مستشفيات للرجال ومستشفيات لنساء يناس أصحوا لنفسكم إنتم في السعودية إلى الآن ماوصل عندنا الطب بشكل المطلوب وبسبب الأخطاء الطبية خسرنا ناس بالهبل أم صحبتي وماتت ولد عجينة ومات خالتي وماتت وبنت أختي كانت رااح تموت وبسبب إنه الإسعفاف مافيه أوكسجين وهذا أبسط شئ المفروض يكون في الإسعاف وإنتم تقولوا نبغى مستشفيات خاصة بالرجال والنساء :/ أنا مع وجود المستشفيات خاصة للنساء لكن تكون متكاملة وتساعدنا على إنقاذ أرواح الناس وتكون في كل حي مو مع زحمة جدة يموتوا المرضى ولايقدروا يوصلوا عشان اللي جنب بيتهم مستشفى رجال مو نساء تعتقدوا هذا موضوع نفتحوا عشان نتناقش فيه أنا مافهمت إلى الآن إيش المطلوب مننا نترك الطب عشان الإختلاط ؟؟!!!!! يعني خلصت كل المواضيع عشان نتناقش في موضوع مو بيدنا بيد وزارهـ الصحة !! روحوا الله يقويكم كلموا وزارهـ الصحة وقولوا نحن نطالب بمستشفيات خاصة مو نقعد نتناقش على الفاضي زي كل القضايا اللي عندنا في البلد ونرجع نقفل القضية اللي عندهـ عزيمة ورأي يروحوا ويقول رأيهـ مو يقعد يجمع أراء الناس اللي على حق لايتنازل عن حقه يروحوا ويطالب عن حقه !! نحن ماعندنا محلات خاصة للنساء للملابس الداخلية إلا محل واحد والله سافرت ولاعمري شفت رجال يشتغلوا في ملابس داخلية خاصة للنساء إلا في السعودية وهذا أقل شئ المفروض يكون موجود عندنا والطب ممكن يكون من غير إختلاط ،، ممكن تصيري عميدهـ في كلية الطب ممكن تشتغلي في الوحدهـ الطبية وممكن تعملي لك عيادهـ خاصة للنساء كل شئ ممكن يتنفذ لو نحن نبغى نفكر في حلول تتناسب مع ديننا .. :) أنا عارفهـ إنه حكم الإختلاط حرام وربي ماحرم شئ إلا وفيه خير لنا وأناضد الإختلاط وضد كل شئ حرمه الله أنا ماعندي أستعداد أخسر ديني وأغضب ربي حلو إنه يكون تفكيرنا كله ديني وإنه نطور بلادنا ومانتنازل عن ديننا مهما كان الأمر لكن بأسلوب تحاور مايشمل التجريح ماندخل في نوايا الناس ونحكم على كيفنا على الناس تبغوا المستشفيات تكون خاصة للنساء كانوا نزلتوا الموضوع تعالوا تنناقش و حطيتوا أفكار كيف ممكن نطبق المستشفيات وإيش هي إيجابيات المستشفيات وسلبياتها بكذا رااح نتحاور بشكل حلو ونوصل إلى أفكار حلوهـ ممكن نرسلها لمسؤول ممكن نحطها في جريدهـ وممكن ألف فكرهـ تشجعنا وتقدر نغير الواقع لكن بهذي الطريقة فتاوي وسب ونهجوم على بعض كننا في حرب مو نقاش تبغوا الأمه الإسلاميهـ ترجع زي ماكانت حببوا الناس في الدين لاتكرهوا الناس في الدين أحسنوا الظن بيننا وبين بعض ،، أحترموا بعض ،، شايفة وحدهـ على خطأ حاولي تقنعيها بأسلوبكـ كذا نسمع لبعض نرتقي بشكل أفضل نحاول ننشر ديننا ونحبب الناس فيه .. أرجع أكرر وأقول للمرهـ ألف أنا ماني مع إختلاط لكن الضروهـ تبيح المحظورات لكن إذا أردنا منع الإختلاط فهناكـ طريقة أفضل تجعلنا نمنع الإختلاط ونقنع بعضنا البعض ... :)

كلام طويل جدا وكثير جدا
وغير مترابط
حاطة اكثر من موضوع في رد واحد!!!

طيب انا حبيت ارد عليكي بالمجمل

ماراح اخذ كل امر قلتيه وارد عليه!!

احنا مو معارضييييييييييييييييييييييييييييييييييييين لكليه الطب
مو معارضين انو البنت تصير دكتورة

هذا غلط اللي مايفهم الموضوع !!!وكلمتي هذي قلتها اكثر من مرة
نحن غير معارضين لدراسة الفتاه للطب وبالتالي العمل في المجال الطبي

احنا كنا نقول انو الاختلاط حرام
ماقلنا الطب حرام
ماقلنا البنت حرام تصير دكتورة
ماقلنا مانبغى كلية طب للبنات!!!!

ياجماعة افهمو
احنا هنا نتناقش نقاش واعي!!!
مع ناس المفروض يكونو واعين!!
ولهم راي!!

شي اخر تكلمتي عنو....
فهمت من كلامك انو الموضوع هذا لايستحق المناقشة والمفروض نعمل موضوع اخر للافكار وووو الخ....

يااختي... صاحبة الموضوع بدت بهذا الموضوع!!! ليش نغير الموضوع اللي المفترض نتناقش فيه الى موضوع اخر!!!!
عجيب

واذا شايفه انو الموضوع لايستحق المناقشة وطرح وجهات النظر للاستفاده والاستزادة

فلا تناقشي!!!
هذا شي مو مفروض عليكي!!

لو حابين تتناقشو في موضوع ثاني المنتدى مفتوح!!
وراح تلاقي الناس اللي تتناقش معاك واحنا منهم باذن الله .....


قلتي انو مع الاخطاء الطبية ومدري ايش وايش...هذي تحصل في كل بلد ...

انا كنت ولا زلت اقول...انو نسائنا قدها...قد المسؤوليه...يعني انتي مثلا شايفه انكم ماتقدرو تديرو مستشفيات نسائية؟؟؟
لازم الرجل يكون موجود عشان تتفادي الاخطاء الطبية؟؟
لا طبعا

ولو تم افتتاح مستشفى نسائي مو ملزمين بعض الناس المتفتحين انهم يروحو يتعالجو هناك
روحو المستشفيات اللي تعودتو عليها اذا مارحبتو بفكرة المستشفى النسائي!!


اعيد واكرر ...
نحن نتناقش ونتحاور بعقل
ولانحاول انو نفرض راينا
او نجرح او نهين احد!!
ولم نكره الناس في الدين والعياذ بالله!!!<<غريب

احنا نتناقش وكل واحد يعرف الدين واحكام الشريعه مو جالسين نكره او نرغب احد !!



تحياتي لك اختي