السلاام عليكم ورحمه الله وبركاته
احيي جميع الاخوات المشاركين في الموضوع سواء معارض او موافق..
بعد قراءه الردود وصمتي طول الفتره الماضيه لارى النتيجه اقول..
اخواتي تأملو في قوله تعالى"فبما رحمة من الله لنت لهم، ولو كنت فظاً غليظ القلب لانفضوا من حولك، فاعف عنهم واستغفر لهم وشاورهم في الأمر"
منها نستنج امر الله لرسوله في دعوته الى الحق والى الاسلام
والطريقه الصحيحه للدعوه ..
اسفي على من اتخذت الدعوه الى الله لعب وسب وشتم وتجريح للاخرين بقصد..
ومن المضحك والمبكي انه كل واحد منهم يبين قدر نفسه
والله وانا اقرا ردود البعض استغرب .. هداهن الله
اختي ..
اتمنى ان نرتقي قليلا فنحن نمثل امه .. هل سيكون ردنا قويا لانسان كافر حتى نقنعه بان الاسلام هو الدين الحق
فكيف ببنات الاسلام!!
ولو نقتدي بالرسول صلى الله عليه وسلم لسلمنا من كل مصيبه..
اخواتي موضوع واحب اطرحه ليش لمن نشوف وحده غير محجبه ومتبرجه سواء كانت طبيبه او ممرضه او.... مانحاول نصحها فين تعاليم دينكم؟؟
وليش مانحاول نغير الخطا بدعوه جميله من لساننا..
وترى من ستر مسلما ستره الله في الدنيا والاخر
انا لا انكر وجود المخالفات الدينيه في المستشفيات
بس تخيلو معي لو انا كل الاسر المحافظه منعت بناتها من الدخول للطب
والكليات الطبيه مين اللي حيقوم الخطا ؟؟
مين اللي حيكون داعيه في مجتمعه الطبي؟؟
انا طالبه في كليه الصيدله..
الحمد لله ملتزمه ومن اسر محافظه.. دخلت الكليه واهلي اللي شجعوني
اني ادخلها واكون نموذج حسن يقتدى به..
وماازكي نفسي ..
واقولها بصراحه لا يوجد اختلاط بالاولاد في المباني اوقات الدراسه.. واذا كان الدكتور داخل
يوجد جرس ينبه به البنات عند دخوله والمباني اللي يدخلوا فيها الدكاتره 5 مباني فقط معروفه ويكون مكتوب خارج المبنى
( الرجاء اللتزام بالحجاب)وايضا في مرحله الماجستير والدكتوراه في اي قسم يكون في اشراف على الابحاث من قبل
الدكاتره الرجال..
بالنسبه للعمل ..
اكثر المتدربات يكونو مجموعات من البنات ويكونوا في مجموعه كلها بنات ..
وانا اقول البنت اللي بحشمتها مايضرها شي لو كانت كالجبل صامده وهنا يوضح دور تربيه الاب والام للابناء ..
انا لااعارض دخول البنات للطب ولا اعارض عملهن في المستشفى عام ولا اعارض الاختلاط..
انا اعارض اسلوب الدعوه والتربيه فقط..
ولو فيه اي اعتراض ارجو عدم التجريح
ودمتم بود