[عصر الحاسب]

المشاركة الأصلية كتبت بواسطة noo0oona D.sosa انا معاكي ياقلبي بالكلام اللي قلتيه وكل كلمه قلتيها انتي ماتشجعي على الاختلاط بس عن جد تلاقي كل اللي رافضين فكره الطب هي او اختها او اي احد من اهلها او اخته او زوجته يروحون السوق مع سواقين وتكاسي ولحالهم اغلب الحريم الحين صارو كذا والا الميك اب الكامل والا ريحه العطر اللي تفجر السوق من قوتها وين اللي معارضين لهالشي مااشوف احد تلكم عن هالفئه رغم انه مافي مكان تروحوه حتى لو سوبر ماركت الا وثلاث ارباع البنات صايرين كذا يعني الحين جايين تتكلمو على وحده طموحها طب وتعليم وتقولو حرام الاختلاط ؟؟خير ياجماعه خيييير؟؟طيب انا اخويا مطوع مرة اوك وزوجته تعبت ويبي يوديها دكتوره قلتله مو انت تقول الاختلاط حرام والدكتورة تسوي شي حرام لاتوديها عندها عشان ماحد يدخل طب وتصيرو كلكم بوجهها وتضطر البنت انها ماتدخل كليه الطب عشان ماحد يروح عند دكتورة طبعا سكت ومارد علي لانه اصلا ماعنده رد بس طبعا هو مضطر انه ياخذها عنده يعني عن جد تفكير ماادري كيف طيب انا وحده من قريباتي قبل فتره تقريبا 5سنوات احتاجت دكتورة جراحه وماكانت في غير وحده بس بجده والمواعيد عليها شي مو طبيعي والبنت بغت تموت يعني حاله مستعجله اضطرت انها تروح لدكتور بس تقولي انا كل مااروح اقعد ابكي وابويها واقف بجنبها وانواع الحوسات والاحراجات ليش طيب المفروض كل اب وكل زوج وكل اخ يشجع اهله على هالشي وخاصه انه مافي وحده تدخل الطب الا وهي عن جد تبي العلم وخاصه بعد الاختبارات والتعقيدات اللي صارت يعني مافي وحده تدخل طب ويكون قصدها مثلا انها تبي تتمسخر وتقل ادبها او تتعرف على شباب اللي تبي المسخره وقله الادب راح تسوي اللي براسها لو حبسوها اهلها بين 4جدران بمفتاح والمفتاح رموه بالبحر ماراح تستنى لين تدخل طب وتصير دكتورة عشان تسوي اللي براسها كل اللي بالمنتدى طالبات وطلاب جامعيين المفروض نفكر بطريقه افضل من كذا كل وحده بدينها وامانتها وبقلبها وكل وحده بنيتها يعني حتى المعلمه انا بالمدرسه شفت كثير معلمات يتحرشو بطالبات وشذوذ وشي مو معقول نهائيا ولااحد يقدر ينكر هالشي رغم انه مجتمع نسائي خالي تماما من الاختلاطات وبعدين هم بيفكرو يخلو المراه تسوق السياره وطبعا كثير رجال وافقو ع هالشي ليش ماقالو اختلاط؟؟ وهم يبغو ينفكون بس من مشاوير اختهم وزوجتهم وبناتهم فكرو فيها من كل الجهات يعني بجد حرام انسانه محبه للتعليم والعلم تواجه هالشي كله وهي غرضها بس التعليم

http://ibn-jebreen.com/ftawa.php?vie...56&parent=3101