هلا والله غاليتي ..
لا حشا ما احد يردك ان شاء الله كل الاخوة والاخوات هنا متعاونين وان شاء الله تلاقي اجوبه على استفسارك..
راح احاول اساعدك بعد عون الله على قد ما اقدر..
بالنسبه للمسارات على حد علمي انه الى الان ما فتح مسار الترجمة في الجامعه فهو مسار واحد فقط ..
وطبعا انسي كلمة الاسهل في الجامعه لانه مافي شيء سهل من دون جد واجتهاد بعد التوكل على الله ...
اما الاستاذات فعندك كثير ماشاء الله استاذات قمم بس ان شاء الله لا تخصصتي راح تعرفي
بس اعطيك بعض اسماء الاستاذات اللي درسوني وفي نفس الوقت من خبرات البنات..
عندك مس سحر نصيف .. الآء المحمدي ..ابرار مجدي ..سهام فطاني .. وغيرهم كثير بس هذول اللي يحضروني حاليا في قسم الانقلش اما استاذات الفرنسي انا اعطتني مس صالحه القحطاني وماشاء الله قمة ..
اما النصيحه :. انك تتوكلي على الله و تثقي انه معاك في كل حال واحسني الظن فيه لانه في بنات دخلوا هذا القسم وقرروا يسحبوا بسبب احباط او صدمة ما اتوقعوها ..
وطبعا في اللي كمل فانتي خليك مهيئه لكل شيء
يعني لا قدر الله اذا نزل المعدل حبتين لا تنصدمين ..
وطبعا حاولي تطوري من نفسك ولغتك قد ماتقدري حطي هدف قدامك تبغيه تحققيه من ورى تعلم هذي اللغه وكل ما تياسي او تملي ذكري نفسك بالهدف وانتي بتجيك طاقه ودافع انك تكملي دراستك ..
ياعزيزتي هذا القسم يعتمد بشكل كبير على مجهودك الشخصي كميه الكلمات اللي عندك وقدرتك على التحدث بطلاقه ووو.....
فادخلي مواقع انجلش وحاولي تطوري من نفسك ..ونمي الفوكابلري عندك وكميته لانه بيساعدك كثيير ..
ولاتسمعي للبنات اللي يحبطوا ويقولوا انه قسم العذاب لانه مافي شيء سهل في الجامعه من دون عزيمة وجد واجتهاد..
بس لا اخفيك انه يعتبر قسمنا من اكثر الاقسام صعوبه على مستوى كليه الاداب << راي شخصي
اعتذر على الاطاله اتوقع اني لخبطتك اكثر من اني افدتك ..
بس لاني كتبت الرد بسرعه هههههههههههه..
اي استفسار ان شاء الله اساعدك وربي يوفقك ويحقق لك مرادك ..
دمتي في حفظ الرحمن
...