انا من مواليد الرياض ماعشت فيها اكتر من شهور بسيطة لكن اعرفها زي ماعرف جدة بحكم سفري المتكرر ليها لانو نص العيلة هناك
اما سؤالك عن الاسباب....فلا يمكننا حصرها في لستة وحدة لانها تراكمات سنين وثقافات وتربية...لو خلينا الدين على جنب طبعا لان لو الدين كان الفيصل, فالظاهرة دي _اذا يحق لي ان اسميها ظاهرة_لن تكون موجودة,
انا اقول ان البيئة ليها تاثير جدا قوي على الناس
اهل الساحل في الغالب الين والطف ودا مش كلامي دا كلام علماء اجتماع وعلم انسان من قبلي, عكس اهل الصحاري فيهم من الشدة بحكم ظروف حياتهم وبيئتهم
اللي ماخد فكرة عن جدة واهلها او الحجاز بصفة عامة انهم" فري" حبتين مايعرف انو في عوائل هنا مقفلة على بناتها بالترباس, فالكلام دا مو صحيح..
تاني شي لا ننسى تأثير الهجرات الكبير على المنطقة دي, بما اننا ميناء فالانفتاح كان كبير على كل مكان بالعالم من تجارة وحج وسفر ممااثر على تركيبة السكان وايدولوجيتهم
دا الشي اللي ميز الحجاز ومانقدر نعتبر الشي دا باي حال من الاحوال سيئ لانو ورث الغنى الثقافي في المنطقة ونوعها
خلاصة الكلام... الحجاز ونجد قالبين في نسيج البلد دي اللي اعطاها تميز لا يمكن نكرانه
بالنسبة لتساؤؤل الراقي ليش المقارنة ماتكون بين اهل الدمام وجدة...في رايي المتواضع..السبب انو تقريبا ماينطبق على جدة ينطبق على الدمام...
مر تانية..الاختلاف والتنوع هوا اللي يكون ارث الامم...ولايمكن اعتبار الظواهر السلبية في اي مجتمع من المجتمعات حكرا عليها دون الاخر
موضوع شيق...متابعة باهتمام:)