[حابه # اتخصص]

زي ما قالوا تخاف من ردة فعل الاهل ففي ناس لو مجرد شك راح قتلها يا لطيف زي وحدة يالطيف وحدة ابوها قتلها لانوا سمعها تكلك صحبتها وهي عمل تقولها انا خايفة احمل مادة زي العام راح الاب طخها وهو للاسف حتى ما كلف نفسوا انوا يفهم الموضوع المهم
وحتى لو ماكانوا كذا ممكن اذا قالت لاخوها يروح يتضارب مع الرجال ولا يطخوا ويسوي مشاكل هذا شي
والشي الثاني انوا حتى لو قالتلهم هم كمان راح يسكتوا يعني للاسف مافي اهل يبلغوا الشرطة لانهم خايفين من الفضايح فكذا ولا كذا ما راح تاخذ حقها للاسف فتحافظ على نظرة اهلها لها احسن

اما اذا كان من احد من اهلها فهذه مصيبة ثانية في وحدة يالطيف يتحرش فيها خالها وهو للاسف معاهم في البيت تقول مرة صحيت من النوم لقتوا واقف عند الباب صارت حتى لمن تنام تقفل على نفسها الباب وهي طبعا مهي عارفة ايش تقول لأمها لانوا اخوها

معليش كثرت كلام بس من جد أنتى اتكلمت عن مشكلة للاسف دمرت حياة الكثيرين من البنات الي ما لهم ذنب

اللهم استرنا فوق الأرض وتحت الأرض ويوم العرض