معاك حق يا بوردوقا في كل كلمة قلتها ..من جد الوضع سار خارج عن النطاق عدد الوفيات في السعودية بسبب حوادث المرور يوصل تقريبا الى 7 الاف حالة سنويا !!!...وهذا عدد خراافي كم من الناس راح يتالموعلى فراقهم وكم من الاطفال حيتيتمو وكم من النساء حيترملو ووو....
طيب خلينا نشوف بعض الاسباب.. لو تلاحظ الشباب عندنا بيشوفو الانضباط بالقوانين عار ومهي مرجلة والواحد منهم يحب يكون فوق القانون عشان يثبت رجولته حتى لو كان على حساب الموت..سار الواحد يثبت رجولته بسرعته تقلو يبويا انتبه لنفسك يقلك كله مكتوب(سبحان الله شوف متى سار يؤمن بالقدر)..لكن العيب مو على الشباب العيب على المجتمع اللي صنع هذا الشباب و خلى عنده فهم مغلوط للرجولة وخلل في الثقة..
طبعا هذا ما يخلي الجهات المختصة من المسؤولية يعني شوف الخطوط والشوارع اللي عندنا حدث ولا حرج ..
خذ اقرب مثال طريق ينبع(الهولوكوست السعودي) خط ضيق,ناس مسرعة,كثبان رملية كم من الحوادث والمئاسي حصلت في هذا الطريق ,,,, طيب تخيلو لو انهم فرضو عقوبات صارمة على المخالفين ووسعو الطريق وزرعو الاشجار على طول الخط للتخفيف من زحف الرمال كان سارت هذي المئاسي ؟؟ .............
ولكن انا متفائل خير وحكومتنا فيها الخير والبركة وانشا الله راح نشوف تغيير جذري باذن الله..وكمان وزارة التربية والتعليم لازم تغير اسلوبها التعليمي مع طلاب الابتدائي خصوصا و تحاول تركز عالجانب العملي وتزرع فيهم القيم والثقة.
تشكر ياخالد على هذا الموضوع اسئل الله ان يجعله في ميزان حسناتك والله يوفقك ويسهلك ....واسئل الله ان يرحم اخوك ياسر ويسكنه فسيح جناته.