سوالي وش هو مستقبل عمارة البيئة يعني ماهي الفرص الوظيفية؟؟؟؟؟؟
|
تخصص عمارة البيئة .. الفتره هذي .. أقدر أقلك انه هو المستقبل
الشي اللي لازم تعرفه ..
إنه أصعب أنواع التصميم هو التصميم البيئي "عمارة البيئة"
والسبب إنك بتتعامل مع كائنات حية و متغيره وأقصد بيها " الأشجار "
غير انك ما بتصمم لشخص أو شخصين أو حتى عائلة
انت بتصمم لمجتمع و ناس كثير و كل شخص له ذوق و رأي
تخيل نفسك تخلي جدة كلها تتكلم عن موقع انت مصممه وكل الناس تحبه
شي مو سهل و يحتاج مجهود جبار و الأهم توفيق من الله
ما راح أكثر كلام عليك .. لو حابب تعرف أكثر ممكن أعطيك
لكن حاليا خليني أعطيك رد لجوابك ..
مصمم البيئة هو مجموعة مهندسين:
1- مهندس معماري
2- مهندس زراعي
3- مهندس مدني
الثلاثه لما تجتمع في شخص يطلق عليه Landscape Arcitecture
المجال واسع و كبير
بمعنى لو في يوم فكرت تصير معماري بسيطه ..
انت أساسا عندك خلفية عن العمارة و تقدر كمصم بيئة و من حقك تصمم واجهات المباني
و تجبر المعماري يحط واجهة المبنى في المكان اللي انت تقرره
فلو اشتغلت في مكتب هندسي ومافي إلا مهندس معماري فرضا و محتاج مساعده
تقدر تصمم مبنى و هو يعدل عليك .. يكفي انك حتعطيه إيحاء بفكره
ممكن تكون مشرف .. بحكم خبرتك في مجالات ثانيه
الزراعه و الري و الهندسه المدنيه
و طبعا إنك تكون مصمم بيئي هذا أفضل شي
الأماكن اللي ممكن تشتغل فيها ..
- الأمانه
- المكاتب الهندسية والاستشارات الهندسية
- مكاتب التطوير العقاري
- المؤسسات الخاصه الكبيرة - مؤسسات تفتح أسواق و مولات خاصه فيها تكون انت مصممها الخاص -
من ناحية الوظيفة لا تشيل هم أبداً ...
بس انت فكر كويس و شوف اش تبغى بالضبط .. أهم شي تكون حابب المجال
الآن وانا لسه طالب و أشتغل في رباعيات
لما يجيني مهندس و اتكلم معاه و اقول له انا Landscape architecture
ينفجع
و كثير يعطوني أرقامهم و اللي يقوللي أول ما تتخرج تعال
واللي يقولي عدي علي ..
لأنه معظم المكاتب هنا تتعاقد مع مكاتب من بره السعودية يصممولهم
والله الكلام كثيييير
إن شاء الله اكون أفدتك
وأي شي تبغاه كلمني