الاوراق
هيا
1- الشهاده الاصليه وصوره منها
2- الكشف الطبي او ممكن هما يعطوني اياه واسويه في عياده الجامعه
3- بطاقه الاحوال او بطاقه العائله
صح كذا تعتبر كامله. ايوه كذا اوراقكك كا مله
-مكتب د\ ابتسام اول مكتب على يدك اليسار ومكتوب علية وحدة القبول
- البيانات هي اسمك والرقم الجامعي والمعدل وعدد الساعات اللي درستيها والكلية
-المركز الشامل في نفس مبنى العماده لمن تطلعين من مكتب د\ ابتسام حيكون مقابلك على طول
ادخليه وتلاقين على يدك اليسار شبابك في واحد وكتوب عليه الشؤون التعليميه يوقعون الورقه وبعدين تروحين شباك رقم 7 واللي حيكون على اليمين وانت واقفه عند الشؤون التعليميه وللأسف ما في غيرها الله يعينك عليها اللي عند شباك 7 واسمها أ\ خيريه بحيث لو تهتي اسألي عنها
-انا كليتي اقصاد واداره وعرفت من بياناتي في الاودس عند الكليه مكتوب اقتصاد واداره
ليش انت ما طلع عندك نتيجة التسكين حق الكليات؟
ومبنى الاداب وانت طالعه من العماده امشي على طول حيكون على اليمين مكتوب عليه كلية الاداب والعلوم الانسانية ادخلي الكليه واسألي عن الشؤون التعليميه فيها او امشي وطالعي على اللوحات اللي عند كل مكتب لمن تلاقي الشؤون التعليميه
-
طبعاً اكيد بعد ماتوقعين الورقه ترجعين عند وحده القبول في العماده الي هي ابتسام صح لمن هنا وما اعرف انا بكره حروح الجامعه واسأل في العماده قبل ما اروح كليتي
وبعدو مافي اي خطوه ثانيه تسوينها بس تجين بعدين تستلمين البطاقه وتبدأين تشوفين جدولك صح علي ايوووووووووووووووووووووة
آسفه اذا كرهتي نفسك وكرهتي الساعه الي كتبتي فيها الموضوع بسبب أسئلتي الدقيقه
لا عادي والله يوفقنا واياااااااااااااااااااااااااااااااااااك
عموماً الله يوفقك ويسهلك وتتحولين انتضام وربي يوفق الجميع ان شاء الله واي وحده تتدخل الموضوع وعندها اجوبه على استفساراتي ياليت لو تكرمت تجاوبني خاصه مبنى الآداب وينه ووين موقع الشؤن التعليميه جوته واي جديد لاتنسين ترجعين تقولين لنا في هالموضوع
ان شاء الله اي جديد انا راح انقله على طووووووووووووووول
ابغى اسألك سؤال اخير كم معدلك وكم مر على شهادتك وماقالت لك ابتسام على كم وقفو معدل القبول من التحويل من الانتساب الى الانتضام
انا معدل 4,26 شهادتي لها ثلاث سنوات بس ما اعرف على كم وقفوا في المعدلات وترى انا اخذت معي صور لشهادة الثانويه عشان لمن اسلم الشهادة الاصليه يكون معي صور منها والحمدلله اني اخذتها معي طلبتها مني د\ ابتسام
وعذراً اذا غثيتك بكثر هرجي وأسئلتي