أخي هاني ..
من وجهة نظري الشخصية فأنا أعارض ، و قبل لا تتهمني بالتشدد أو التخلف ( اللي هو عند بعض الناس التزام ) راح أقول لك شي مشابه ..
الآن في عهد الرسول صلى الله عليه و سلم لما قال إن خير صفوف النساء آخرها ( و هذا في الصلاة ) إيش قصد اللهم صلي و سلم عليه ؟
قصد إن النساء و الرجال كانوا يصلوا جماعة مع بعض في أرض وحدة لكن النساء خلف الرجال ، و كل ما كانت المرأة أبعد كل ما كان أفضل . هذا في الصلاة .
و في السوق كان الرجال يحاذوا الجدار في مشيهم و النساء على الجانب الثاني عشان يبعدوا عن بعض .
أنا ما أقول لك إننا الآن في مجتمعنا نعيش في وضع مشابه لعهد الرسول ، بالعكس ، الآن المرأة تمشي في السوق و الرجال يدقها بكتفه ، و هذا للأسف من قلة الخوف و التساهل في حدود ربنا ، لكن لو إنت تبحث عن تبادل المنافع و الخبرات و الكلام هذا كله فيه ألف طريقة ثانية ممكن نلف و ندور بها على المشكلة عشان تنحل بدون حاجة إلى الاختلاط .
أنا معاك مليون في المية إنه في كثير بلاوي تصير بره الجامعة و الفصل في حرم الجامعة مو رادع أو مانع كافي ، لكن إحنا كمان لا نفتح باب يزيد من عمق المشكلة .
يعني بدل ما يكون فيه 100 وسيلة للمشاكل و الانحرافات اللي تصير بين الشباب و البنات خليها 99 وسيلة .
فهمتني ؟
أتمنى ما أكون طولت عليك ، بس حبيت أفصّل رأيي عشان يوضح لك من كل جوانبه .
و على فكرة .. وجودهم في قاعة وحدة و كل واحد في ناحية ما راح يمنع شي ، قيدوا الحمدلله المحترمين و المحترمات في مجتمعنا في تناقص مستمر!! يعني النظرة تكفي لو طاحت عين شاب في عين بنت ، و النظرة سهم من سهام إبليس ، هذا غير البلوتوث و بلاويه .
هذا غير الدلع و قلة الأدب اللي ممكن تصدر من بعض الطالبات ( الناعمات بزيادة ) مع الدكاترة و الي راح تفتح مجال كلام بين الطلاب عن بنت معينة .
وإنت عارف الشبااااااااااب ، ما يحتاج !! شباب و عارفين بعض و عارفين التصرفات اللي ممكن تصير ، و لا تقول لي كل واحد و احترامه ، لأنه هذي صارت مسألة نسبية ( و هامشية عند البعض ) !
يا ريت رأيي ما يزعل أحد لأنه هذا الواقع .
تحياتي
..