[قــاســي !]

وعليكم السلام ورحمة الله وبركاته

اول شي يا اختي هدي نفسك .. والامر سهل جداً وفوق ما تتصورين .. وان شاء الله بتتيسر الأمور ..

فهل لازم ألتزم فيه ؟؟ والا يمديني أغير المواد ؟؟

مو لازم تلتزمي فيه بأمكاني تحذفيه كامل وتضيفي من عندك اي ماده تنزل لك في اضافة المواد .. ولكن انتي لا تحذفي اي شي الا بعد ما تتأكدي من انك راح تقدري تضيفي عشان ماتحذفي ماده وتروح عليك لو احد دخلها .. عصر السرعه

والحذف والاضافه راح ينزل على كلامهم اليوم الساعه 3 العصر .. واول ماينزل راح يبان عندك انتي ادخلي عليه ..

بالنسبه للشعب اول ماراح يفتح الحذف والاضافه راح تشوفي ان اكثر الشعب فضيت ولكن سجلي بسرعه انتي ..

كيف اعرف كم ماده لازم أدرس ؟؟

مدري يختلف النظام الجامعه عن الكليه او لا !!
ولكن نظام الجامعه اذا كان معدلك أقل من 2.75 ما تقدري تاخذي اكثر من 15 ساعه .. ولكن اذا كان معدلك اكثر تقدري تاخذي أكثر من 15 .

وكم ساعه لازم أحضرها ؟؟

مافهمت السؤال .. ولكن اذا قصدك الحضور .. لازم تحضري المحاضرات .. تاخذي DN اذا غبتي أكثر من 25% من عدد اجمالي المحاضرات في الترم طبعاً لاسمح الله ولكن للمعلوميه .

وكيف أعرف كمان عدد مواد التخصص و المواد العامة ؟؟
بما أنك في الترم الخامس فـ أعتقد تخصصتي .. كل ماده قبلها رمز هذا يبين أي تخصص مثلاُ بعض المواد قبلها cs هذي تعني " علوم حاسبات " أو IT تعني " تقنية المعلومات " أو ASTR تعني " فلك " ومثل كذا كل المواد .. بالنسبه للمواد العامه راح تشوفيها تختلف عن تخصصك .. !!

واذا كان للمادة اللي بأضيفها في جدولي متطلب
لازم أخذ المتطلب أول قبل الماده ؟؟
هذا شي طبيعي يا اختي اصلاً النظام يرفض لأنه يشيك اذا انتي اخذتي المتطلب ولا لا .. لازم تاخذي المتطلب بعدين تفتح لك المواد الثانيه .. !

ان شاء الله اكون وصلت لك اللي تبينه .. والله أعلم
.. تفائلي بالـخير ولا تقلقي .. ما ضاقت الاا لـتـُفرج !