[م/ المستقبل]

السلام عليكم جميعآ ...
طبعآ شباب زي ما تعرفوا بدأ الحذف والإضافة وبدأ معاهم القلق والسهر على شاشه الاب توب
اليييييين ما تلصق عيونك بالشاشه
وفي النهاية ما تطلع بأي شي .. كل الشعب حمرا حقتنا في القسم
وبصراحة الموضوع فيه شوية نرفزة وقهر لأنو في شباب الله يهديهم منزلين مواد ما يحتاجوها بس عشان اللهم يملي جدولو .. وتلاقي غيروا يبغى دي المادة ومرررره ضروريه عندو
فا يا جماعة الي يبغى يضيف مادة شعبتها مقفله وهيا موجودة عند احد منكم واللي ما يحتاج مادة وهوا ضايفها بس مجرد انو يعبي جدولو .. يذكر دي المواد ويسير ننسق فيما بيننا
انا عن نفسي عندي مادة البحوث والعمليات ie 311 شعبة الأحد والتلوت ومادة السيميوليشن Ie 422 شعبة السبت والإثنين والربوع وانا بصراحه ما أحتاجهم كلهم ..
وفي نفس الوقت احتاج أي مادة من التالي :
IE 321 أو 351 ie أو 332 ie فاللي عندو احد من دي المواد وما يحتاجها ما يبخل علينا

اتمنى كل شباب الصناعية يستفيدوا من دا الموضوع ويعملو بالمثل