اختي كيلو بترا انا اشكرك على حضارتك و على اهتمامك بنظرة المجتمع للمرأة
بس انا انا شايف عكس كلامك ، المرأة اليوم تشارك الي حد كبير الرجل في كل شي
بس تختلف من مجتمع لاخر ، فانا شايف انو احنا كمجتمع سعودي الوضع الي احنا فييه عال العال
و المرأة في مجتمعنا لها مكانتها ، و وضعها الخاص ،، و ما اتصور انو في ناس في مجتمعنا تنظر للمرأة
بي الصورة الي انت و صفتيها من دونية و احتقار ،، و حتا لو كان الشي دا موجود حيكون في المدن النائية
او في القرى ,,, هادي حياتهم و طبيعتهم لا يقاس عليها مجتمعنا كسعودييين
فانا شايف انو عدم و جود الاختلاط في الجامعات او حتى في المدارس يصب في مصلحة المرأة
و كذلك نفس الشي بالنسبة لقيادة المرأة للسيارة ’’’ مع انو مو موضوعنا بس الكلام يجر كلام
انا مني متخيل انو حرمة تسوق سيارة و هيا لابسة عباية فاكييد حبة حبة حتتشال العباية
و كمان مني متخيل انو حرمة واقفة عند بنشري تغير الزيت او حتى تعمل توبلس للكفر
فانا شايف انو الحرمة تكوون معززة مكرمة مع ابوها او زوجها او اخوها او حتى مع السواق
و لا مانع انو تتعلمو السواقة ،، للضرورة بس
و انا شايف انو وضع المرأة السعودية كل مالو بيتحسن و يضاهي التطور و الحضارة بس
بأسلووب اسلامي يحفظ للمرأة حقوقها
و انشالللة ربي يحفظ بلاد الحرمين من الافكار الهددامة و الغزو الفكري الي هدفو الإطاحة بمكانة المرأة
المسلمة و انتزاع انثويتها و عفافها
