[متطلع]

صحيت ، فطرت في البيت ، أخذت راحتي وأخذت معايا كل شيء ، وجبت علبة مراسيم إضافية حطيتها بالسيارة ، صاحبي يدق علي يقلي: مرني عشان أمشي وراك (( طبعًا أنا حفظت الطريق جوة الجامعة نوعًا ما )) المهم وصلت بيت صاحبي ، ألاقي واحد تاني صاحبي يستنى عشان يركب معانا ، واحنا على الطريق ألاقي صاحبي واحد تالت بيمشي ورايا يقلي دلني ...

حسيت نفسي العالم كلها ورايا ولو خبصت في الطريق حيروحوا فيها ^_^

المهم وصلنا عند البوابة ، زححححمة فالناس اللي كانوا يمشوا ورايا ألاقيهم خرجوا من سياراتهم وركبوا معايا ، يلا مشوارنا واحد ...

رحنا على مبنى 29 ، كنت حافظ مكانه لأني تهت في الجامعة وأنا أدور على الإدارة الطبية وشفته ....

واحنا ندخل نلاقي ناس تطلع ، ألاقي منهم ناس أعرفهم ، سألتهم: ليش طالعين ؟؟ يقولوا: لازم نجيب مراسيم ، أعطيتهم مفتاح السيارة يجيبوا مراسيم لنفسهم ورجعوا المفتاح بعد الاختبار ...

دخلنا اختبرنا ، صاحبي جالس جنبي ينكت معايا نص الاختبار ، كان يقلد صوت شخصية في الأنيمي وأنا أضحك وأقله يروقنا اختبار ، بعدها بدقيقة تلاقيني أنا بأستهبل معاه خخخخخخخخخخخخخخخخ :)

خرجنا من الاختبار ، فطرنا وعلى البيت نووووومة الين المغرب ...

طبعًا طريق الروحة والرجعة والآي بود شغال ، كان روقااااااااااااااااااااااااااااان أول يوم ، قعدنا نسولف بعد الاختبار وحماس ...

مدري ليش الناس زعلانة ، ما شفتو حلاوة الجامعة لسه =)