[Imani]

حتى احنا يوم السبت اختبار القدرات كان فيه طالبات علمي يختبروا معانا تصوّر؟ يعني وحدة من علمي تجي تختبر معانا وتشوف كيف نظام الاسئلة والساعة 10 تروح قاعتها وتختبر مرة ثانية؟ انا ما اتبلى والله العظيم وحدة جلست جنبي سمعتها تقول بالحرف الواحد: انا اساسا علمي بس هناك ما فيه اماكن@_@ لما كانت تنادي الدكتورة على بنات العلمي على اساس يروح قاعاتهم المخصصة لان اختبارهم مختــــلـــف ما كانت ترفع يدها!!!!!!!!

الشيء الثاني قصة المراسيم؟؟ ما قالوا ولا شي ما كتبوا في الموقع حاجة نهائي! وانا جبت معايا مرسام عادي قالوا ما ينفع وهنعدي لكم المرة هاذي ومن الكلام هذا كأننا كنا عارفين انه لازم اتش بي فور!! وفوق هذا لطعونا وما وفّروها بسرعة وحتى لما جابوها سألونا بشكل غريب مين تبغا القاعة كلها كانت محتاجة المفروض السؤال هذا من اوّل يسألوه مو بعد ما جابوا العدة, قالوا الاختبار يبدأ 8 كذا كاتبين بالموقع اختبارنا بدأ 9 وربع!! وخلصنا تقريبا 10 و10 دقايق!

انا شايفة ان المفروض يتعلموا من التجربة السابقة ويكون فيه تنظيم اكثر واهتمام بالطلاب الجدد واقتراحك تبع الطلاب القدامي في مكانه بس اساسا الطالبات القديمات اغلبهم ما يداوموا ايش يجيبهم إلا تعديل الجدول وعلى طول يرجعوا؟ واذا داوموا نفسي نفسي ثقافة الايثار والعطاء مرة معدومة او قليلة علشان ما اكون متشائمة!.. بس فعلا اضعف العطاء واقل شي انهم يحطوا لوحات ارشادية يعني فيه ناس قسمن تجي مو عارفة شي نهائيا مين يساعدها تثق في مين؟ اذا كان فيه كثير بنات يدلّوا على اماكن غلط بالعمد ويجلسوا يضحكوا على الجدد؟؟؟ انا الحمدلله ربي مسخّر لي ناس فيهم الخير والبركة بس غيري؟؟؟


أتمنى فعلا لو يتغير عنوان الموضوع كلامك سليم او على الاقل انا والبنات اللي ردوا بعدي يشوفوا كذا يعني صراحة ظلم ظلم ظلم وغير قانوني انه كاتبين بالموقع يبدأ الاختبار 8 وينتهي 10 بينما الواقع انه بدأ 9 !!!!!