رد: مهـــــــــــــــــم يابنات االتغذيه ((الاستاذات ))
بالنسبة لاستااازة هيفاء هزازي كانت اسئلتها صح وخطا واختاري
بس المادة مررة دش ولازم تكوووني مزاكرة وقارية على كل الكلام الي في الكتااب ولا تهمشي ولا شي وتقولي محتجيبوا لانو تجييب كدا اسئلة من بيين السطووور
والواجب طلبت مننا اننا نجبلها اختبارات تبع تحليل الشخصية وتسويها ع صحباتك وناس من برا
واستازة عبير خضر اسئلتها صح وخطا واختاري وفراغات
ولازم كمان تكتبي الاشياء الي بتقولها في المحاضرة حتى لو قالتلكم انا حاعطيكم اوراااق لانوا في سؤال جابتلنا هوا في تخطيطط وجبات والبنات ما عرفوا يحلوا لانوا ماكان واضح في الاوراق بس هيا قالتلو في المحاضرة وانا كتبتوا معاها والحمد لله حليتو
بالنسبة لواجباااتها ما تحب واجبااات البنااات زي بعضها فلو لقت حتنقص
واستازة هالة برضو اسئلتها زي استازة عبير بس تجيب اشياء انتي منت متوقعتها وما تكوني حافزتها تمام
وكمان تعقد الماادة يعني مسلن ما تعتمد ع الكتاب بس تجبلك اوراق خارجية كمان معنو الاوراق دي الكلام تبعها نفس الي موجود في الكتاب وكمان تكووني اخدتي يعني مرررة مالو داااعي
بالنسبة للعربي والثقافة ما عندي خبراا عن الاساتزة دولي
والاحياء الدقيقة ازا خدتوها مع دكتورة رباب مدني مررة حلوة انا اخدت معاها بس صحة غذاء وكان نظامها انو الاختبار الي نختبروا مايدخل معانا في الاختبار النهائي بس بشرط انو كل الشعبة تجيب درجااات عالية
وماشاء الله البناات كانوو يزااكرووو ويجييبو درجااات
والاسئلة هيا تناقشها معاكي كيف حتجي
وواجباتها طلبت دراسات وشي تاني مني فاكرتوا بس الحمد لله اغلب البناات خرجوا من عندها بممتاز
|