رد: نداء لطالبات السنه التحضيريه العام الماضي
وعليكم السلام ..هلا ياقمر:)
السنة التحضيرية بتحسي روحك كأنك في رابع ثانوي زي ثالث بس يبغى لك مجهود اكثر يعني مو صعبة كله يعتمد على ارادتك وعزيمتك انك تجيبي معدل عالي من التيرم الاول ..
بالنسبة لخطة ب طبعا اكيد سمعتي ان الف اسهل من ب وب مدري ايش وووو..الخ..
ونا مانكر ان صح بالنسبة ان احنا العام الي فات كنا مستجدين يعني واللغة مو ذاك الزود شبه كويسة يعني فكان الوضع على الف اهون عشان يعني ماث وفيزيكس مسائل وارقام والباقي حاسب ومهارات حلوين..وب مو اصعب بس عشان توها لغتنا مو مرة وفيها كلو حفظ مع فهم طبعا بس تتطلب حفظ مو قليل..ونا اقولك خليك من الكلام الي تسمعيه من السنة الي فاتت انو ب اصعب ومدري ايش ..انتي بإيدك تسويها اسهل من الف بس تحتاجي مجهود واهم شي تذاكري اول بأول
وماخبي عنك انا كنت بالتيرم الاول خطة ب واول شهر يعني كان صعب علي بحكم جو دراسي جديد وطريقة دراسة جديدة بعدها تعودت وصرت اذاكر بقوة واتابع كل شيء ومعدلي كان بخطة ب اكبر من الف بس مو بكثير شرطات..الحمد لله..
الحين عندك الكيمياء تذاكري من الكتاب اهم شيء بصراحة انا ماكنت اذاكر بغير الكتاب وخليه معاك بكل كلاس للكيمو وتابعي فيه والدكتورة تشرح وترجمي افهميه اول بأول عشان لايتراكم عليكي شي وسجلي ملاحظاتك او اي شي تبغي تكتبيه بدفتر ولا ع الكتاب نفسه..واهم شيء اسالي سواء الدكتورة او البنات..اذا مافهمتي شي..
اما الاحياء مااعرف كيف وضعكم السنة بيصير ان شاء الله مختلف وانا سمعت ان عنكم عرض بوربوينت ومترجم زي الي كان عندنا بالبداية خذيه من الحين وذاكري اول بأول ولا تجهدي حالك وتحفظي كل حرف بعض الاشياء يعني ماتحتاج حفظ بس بعد ماراح تمشي اذا كنتي تقريه بس بدون ماتحفظي ولا شي:)..
اما الاحصاء..خلي الكتاب معاكي دوووم ودوم اشري واهم شي ترجمي و افهميه قبل لاتحفظيه عشان يكون سهل عليكي واول بأول عشا ترتاحي..ولايتراكم وفي الاخير ماتجمعي شي من المعلومات..
بتحسي في البداية لخبطة وكثير وبعدين لاعديتو الفصول الاولى بتحسي انها من اسهل الفصول
وحطي في بالك ان الكتب مو زي الثانوي نحفظ كل حرف كل سطر>>>>>>انا الهبلة كنت بالبداية اسوي كدى ومرة تعذبت خخخخخخخخخخخخخ
وبس ان شاء الله اكون افدتك:)
واي شي تبغيه حاضرة:)
|