يا شباب كبرو عقولكم, انا الحمد لله ما سار لي و لا موقف مع اي دكتور رغم اني رحت عند دكاتره مزاجيين و عصبيين لكن بالاحترام و تنفيذ اللي يطلبو منك صدقني بالعكس راح يحبك و يحترمك, يا اخي انتا ليه جي الجامعه مو عشين تتعلم و تدرس, انا يقهرني الطالب اللي ما يحضر و لا يحل واجباتو و لا يذاكر هيا بالله ايش الفايده منو في الحياه؟؟
و عن الحذف و الاضافه ما نختلف ان النظام تعبان و لكن لمن رحت لقسمي عند المهندس مجدي الله يوفقه عاملنا بكل احترام و جلس معانا و اضاف لكل واحد اللي يبغاه و محد طلع من عندو الا و هوا راضي الحمد لله, الفكره كلها ترجع لامانة الموظف مو للجامعه..
و المواقف هادي فكل الجامعات صاحبي اللي في البترول نفس الطريقه و يمكن اخص لانو عدد الطلاب كبييييير..
و بالعكس الكليه قويه و فيها احدث المعامل و التقنيات و مراكز البحوث و الدراسه قويه و بعض الطلاب يبغى الدكتور يدف و يسب و يلعن في الدكتور الحقاني, يا خي انتا حتتخرج مهندس كيف تبى تتخرج و انتا منتا داري عن شي بس ناجح بالدف, اذا تبغى الدف روح جامعة الباحه و لا الجوف لكن انتا هنا فجامعه معتمده تبغى تخرج ناس مفيدين في الحياه..
و الله يعين..