^^^^
وبالنسبة للي يقول "حرام ثم حرام ثم حرام" وماهو عادات وتقاليد
ياريت تشوفوا غالبية رأي علماء المسلمين خارج المملكة في "الاختلاط" وحكمه
الا إن كان لنا في المملكة اسلام ولهم اسلام من نوع اخر
هي مسألة مذاهب وعادات وتقاليد
|
صراحة أنا ماني فاهمة انتي ايش قصدك بهذه النقطة الاختلاط حرام وهو شي معروف في كل المذاهب أنوا حرام
آسفة على التدخل
صح أنا مو رزان بس ياريت تسمحلي اطرح وجهة نظري
طبعا وبكل تأكيد احنا نختلف عن جميع البشر
إن كان اصلا يحق لنا تسمية بعض العقول لدينا - مع اشد احترامي لهم ولرأيهم - عقولا بشرية
|
طبعا تعتبر عقول بشرية يعني احنى ما نعتبر بشر الا اذا اختلطنا
يعني يا نختلط مع الرجال ولا نبقى محنا بشر وليش لدينا عقول
فعلا مقياس رائع للحكم
تفكير الكثير من مجتمعنا على أن العلاقة بين الرجل والمرأة تنحصر بين الصرة والركبة
|
هذه العلاقة شي طبيعية وغريزة ربي في الناس ماتقدري تنفيها
انا ما اقولك انها العلاقة والوحيدة بين الرجل والمرأة طبعا احنا أسمى من كذا ولكن هذا شي انتي ما تقدري تنفيه
تبغى تعرف ايش الفرق بيننا وبينهم؟؟
جيب سعودي وخليه يشتغل مع امرأة
وجيب اجنبي اتربى في بيئة مختلطة وخليه يشتغل مع امرأة
وقارن بين معاملة الاتنين
شوف ايش افعال غالبية "السعوديين" برا عشان تعرف ايش الفرق بيننا وبينهم
|
يعني دحين انتي تبغي تقنعيني انوا الرجل في الغرب ينظر للمرأة زي أختوا
أنتي تعرفي انوا في امريكا تحصل جريمة كل دقيقتين
انتي تعرفي كم نسبة الجرائم الجنسية الي عندهم
وحدة صحبتي سورية تحكيني عن منطقة فمدينة دمشق معروفة بأنه توجد بها المومسات
تقولي والله العظيم اغلب السيارات اللي تشوفيها داخلة وخارجة من الحي دا لوحاتها السعودية السعودية السعودية الكويت قطر السعودية البحرين السعودية سوريا السعودية
|
احنى فينا الصالح وفينا الطالح احنى محنى منزهين
أنا ما احاول ادافع عنهم لكن الشي السيء في كل مكان
تبغى تعرف ايش الفرق بيننا وبينهم؟؟
افتح يوتيوب واكتب كلمة فضيحة سعودية وشوف
وازا حابب البحث تزداد نتائجه
اكتب فضيحة سعودية جنسية
وابشر بعزك
مافي أي مجال للمقارنة بين تعاملنا بين الجنسين وتعاملهم
ما بقول انه تعاملهم بكل اوجهه هو الصح واحنا بكل اوجهه هو الغلط
في بعض اوجه التعامل بين الجنسين عندهم اعارضها شخصيا كما اعارض اوجه التعامل بين الجنسين عندنا
لكنهم اجتازونا بمراحل في التعامل
نبغى شي وسط بين الاتنين
|
أولا مافي داعي أدخل لاني ما أحب اتبع عورات الناس
ولكن بدل ما تدخلي اليوتيوب تدوري عن فضايح سعودية
ابحثي عن نسب الجرائم الجنسية عندهم
يا كثر جرائم التحرش عندهم سواء الأساتذة يتحرشوا بطالباتهم ويهددوهم بالدرجات
والمعلمات الي يتحرشوا في طلابهم
انتي تعرفي نسبة الحمل والاجهاض في مبكر عندهم قد ايه هذا وهما طول عمرهم عايشين في اختلاط
ليش اختلاطهم ما منع هذا الشي انا ما اقولك انوا دا الشي موعندنا ولكن مو بالنسبة الشنيعة ذي
انتي تعرفي عدد الأطفال الي من غير أهل أو من دون اب
وتقوليلي احنى وهما
هما هناك يدرسوا وطبقوا من الاختلاط من كثر المصايت الي عندهم بسبب هذا الشي
وجامعة كاوست زي ما قال لباش مهندس ما اتوجدت عشان تستنى ازننا
جامعة كاوست مو لعامة الناس
هي للمبدعين وللنخبة فقط ولها ناسها اللي يتمنوا يدرسوا فيها
ومافي أحد مجبر يدرس فيها
يعني سواء رضي السعوديين أو لم يرضوا
الجامعة موجودة وستبقى ولن تغير ارائنا شيئا
:)
|
هي ما راح تستنا اذننا هو موضوع وطرحتوا لمعرفة الرأي العام فقط
وبالنسبة للاختلاط مالوا داعي لاني ما يخدم العلم باي طريقة
ثانية حكاية انوا في شي أهم انا معاكم في أشياء أهم ولكن احنا المفروض نحاول نغير من الأخطاء الموجودة ما نزيد الموضوع سوء
كمان هذه مو أي شي هذا الشي يخص الدين والشرع
عموما أنا ماني هنا علشان أتجادل ولكن حبيت ابين وجهة نظري في كلام الأخت سوما