[one girl]

طبعا اكيد مافي شي يمشي الا بالواسطة

السميستر اللي راح تورطت في ماده وعملت كل المستحيلات عشان احذفها راجعت عند المشرفات بعدين

رحت لرئيسة القسم كم مرة راحو صرفوني للعماده رحت راجعتهم برضو مافي فايده وبالاخير قالو لي

اكتبي خطاب وارسليه للعميد مع انو نحن متأكدين انه مافي فايده وفعلا ارسلت وكأني ماسويت شي و

آخرتها كنت ناويه اروح بنفسي للعميد بس استحيت وقلت دحين ادخل من باب الطلاب واروح اكلم العميد

وانواع الفشايل عشان احذف ماده وفي الأخير خليت الماده ونزلت لي معدلي واعرف وحده من صحباتي

تورطت بماده واتصلت على خالها الي له علاقه مع واحد من المشرفين وعل طول بنفس الوقت قالها

خلاص حذفت لك الماده وهادا مع انه انا ما اتأخرت في حذف الماده ورحت لهم ثاني اسبوع على ما اظن

او بداية ثالث اسبوع وصحبتي حذفت الماده منتصف السيمستر وبسرعه ومن دون مرمطه يعني بصراحه

انوووووووووواع القهررررر بس ايش نعمل انا لو بيدي اتحكم بالجامعه كان اول شي سويته نفي

شغل الواسطات اللي فيه تمييز وظلم كبير للطلاب يعني حرام يجوني اثنين لهم نفس

المشكله واطرد واحد منهم عشان ماعنده واسطه