ناسي اسم الكتاب.. لاني ماكنت اذاكر الا من السلايدات .. و برامج المعمل :) ..
اتوقع انها كافية .. لانك راح تتوهين بالكتاب .. بحكم انك (مبتدئة)
بس ابي اعطيك فكرة بسيطة عن اللي درسته .. في (برمجة 1) ..
اخذتها مو الترم اللي راح .. الترم اللي قبله ..
ببدا اشرح من بعد الخط ويارب تستفيدين ويستفيدون باقي الاعضاء
-------------
اول شئ برمجة 1 تعتمد بشكل كبير على التفكير في حل المشكلة .. قبل ما تبداين في كتابة البرامج ..
عندك خطوات من الافضل انك تتعودين انك تمشين عليها .. عشان تحلين البرامج بطريقه سهله ..
هي 5 خطوات ..
اول خطوة the problem اللي هي المشكلة .. يعني مثلا طلبوا منك برنامج يحول المسافة من المتر الى السنتمتر ..
المشكلة راح تكون / تحويل المسافة من متر الى سنتيمتر
the problem \ convert the distance from meter to centemeter
هنا انتي عرفتي المشكلة .. اللي يبغونك تحلينها عن طريق برنامج ..
ثاني خطوة / تحليل المشكلة ..
وهنا تكتبين الانبوت والاوت بوت ..
الانبوت يعني المدخلات .. الشئ اللي راح تدخلينه .. وراح يطلع لك ناتج .. اللي هو الاوت بوت
وبعدها والله ناسي بالضبط بس راح يجيك الامبلنتيشن .. اللي هي الكودنق ..
تبداين تكتبين الكود البرمجي ..
واخر شئ الصيانة .. يعني تراجعين الكود وتتبعينه .. واذا فيه غلط تعملين صيانة عليه ..
وان شاء الله مافي شئ راح يصعب عليك .. لان البرمجة حلوة بس تتطلب ممارسة ..
انتي الان لمى تتعلمين لغة انجليزية مثلاً .. مو لازم تمارسينها .؟ وتطورين نفسك فيها وتتعلمين اشياء جديدة .؟
حطي ببالك انه البرمجة راح تكون بلغة معينة .. لازم تمارسينها .. وتطورين نفسك فيها وتتعلمين اشياء جديدة ..
واي سؤال انا حاضر ..
فيه موضوع بكلية الحاسبات وتقنية المعلومات مثبت .. بعنوان .. ( اذا عندك اي سؤال في ++c او java تعال / تعالي هنا ) .. هذا الرابط (
تدرس / تدرسي java او++ c وعندك سؤال .. تعـال / تعالي هنا)
اكتبي اي شئ حابه تعرفينه .. وراح اجاوبك .. وباقي الاعضاء ماراح يقصرون ..
تحياتي