رد: سؤال عن كيفية المذاكرة _ عنوان معدل
السلام عليكم
اختي ما يحتاج ابدا تحطمي نفسك لدي الدرجه لأنو الطريقه مررره سهله
انتي طبعا خطه أ وعندك المواد فيزياء ورياضيات وحاسب ومهارات الاتصال وانجلش
الفيزياء ذاكري من ملخصات اشرف بركات او يوسف زويل .. حيكون فهدي الشرح مع طريقة الأسئله وغير كدا حيكون فيها مصطلحات الانجلش (مره قليله وحتتعودي عليها من التمارين لأنها تتكرر كتير ) اللي انتي تحتاجي تحفضيها وترى مررره قليله بالنسبه للي في الكتاب .. وغير كدا تاخدي اوراق الاختبارات القديمه حقتنا ولو ذاكرتي هدي الاشياء فقط وبتركيز .. حتجيبي الفل مارك ان شاء الله
الرياضيات .. ذاكري من ملخصات حمزه ابو جبل حيكون فيها برضو الشرح مع طريقة الأسئله وكمان برضو ذاكري الأسئله اللي جاتنا السنه اللي فاتت وما تخلي ولا سؤال منهم يمر عليكي الا وفهمتيه .. طبعا الرياضيات مصطلحاتها الانجليزيه قلييله جدا وما عندك مشكله ...
الحاسب عربي بس ذاكري من الكتاب اللي يقولولكم عليه بس انتبهي كمان لازم تحفضي الاختصارات اللي مكتوبه في الكتاب
مهارات الاتصال بس اقعدي اقري وشوفي الامثله اللي فيه بس قراءه مرتين بتركيز وتحفضي الاشياء اللي تشوفيها يبغالها حفض وياويلك لا جبتي غير الفل مارك لأنها سهله وترفع المعدل
الانجلش لا تسأليني لأني ما لقتله حل
|