[بسمه]

المشاركة الأصلية كتبت بواسطة ملكة الورود كيفكم صبايا ؟؟ حبيت استشيركم ، انا حابه انزل دا السمستر خمسة مواد ( ادارة اعمال بالانجليزي - نظم معلومات ادارية - ادارة العمليات - استثمار - ادارة موارد بشرية ) ممكن الحق اذاكرهم في الفترة مابين الدورة والاختبارات ، وكمان حابة اسال عن افضل الاساتذه يدروسون المواد اللي اختارته ، كمان حابه اعرف من بين المواد اللي ذكرته اش المواد النظري والعملي ، اقدر اشتري الكتب من الان وابدا اذاكرهم؟؟اسفة طفشتكم من كثر اسئلتي

السلام عليكم

ادارة الاعمال / هي نفس المعلومات الي بالعربي بس بالانجليزي اخذتها مع شهيناز بخاري صراحه مره شرحها كان حلو و كمان الاختبار كان حلو و المذاكره هي اعطتنا ملزمه من عندها نذاكر منها بالاضافه للكتاب بس انا ما اخذت الكتاب و اعتمدت على الملزمه و عديت بدرجه مره حلوه الحمد لله و هو يعتمد على مستواك في الانجليزي لانو انا عجبتني و صاحباتي لا

نظم المعلومات / كلامها كثيرررررررررررررررررررررر مره و يبغالها تركيز بس سهله اخذتها مع ريم مشاط
الكتاب كبير و يفجع بس طبعا فيه اشياء محذوفه يعني لا تخافين منها

ادارة عمليات / ممله مره ما عجبتني و فيها مسأل بس مو كثير اخذتها مع رولا

استثمار / مره احب هذي الماده كلها مسأل النظري فيها شيء لا يذكر اخذتها مع سحر مهران ما شاء الله شرحها حلو و المذاكره من المحاضرات

ادارة موارد بشريه / كمان كتابها يفجع بس مره سهله اخذتها مع صيته المنديل المذاكره من السلايدات الي تعرضها

و انا اشوف عادي تقدرين تلحقين تذاكرينها بس هو يعتمد عليكي و على مذاكرتك
.....................................
انا هذا رايي في هذا المواد يمكن يعجبك و يمكن لا زي صاحباتي والله يوفقك دعواتك