[عبدالله الAL-HARBIحربي]

المشاعر خطاوي والمواصـل دروب

....................والمعاذيـر بلسـم والمعاتـب غـلا

تندثر في عتاب العاشقيـن الذنـوب

....................وينكسر في شفـاة الشامتيـن البـلا

صادق الحب ما يجدي معاه الهروب

....................وذكريات المنادم صعب عنهـا سـلا

علمتك المشاعر كيف تقـدر تـذوب

....................وعلمتني الحراوي قـدر كلمـة هـلا

جيتني عقب غيبة مغتشيك الشحـوب

....................وفي شفاتك معاذير(ن) تكفـي مـلا

آه ياضمتك لـي ساعتيـن الغـروب

....................اروت اقصى ضلوعي لين جادت كلا

وهمسة الشوق ياهي في حلاة الهبوب

....................وكلمة احتاج لك ياهـي تنقـط حـلا

ليت لك الف زلة لاجل عنها تتـوب

....................واحتري من وراء اعذارك معانق غلا

بس تدري ترى الغيبة عذاب القلـوب

....................ونار تصلى معاليـق آدمـي مبتـلا