السلام عليكم ورحمة اللة وبركاته
بالنسبة لإختبار القبول في الماجستير
أنا إختبرت ماكان فيه أي أثر للحالات الإدارية ولا راح يجيبون لك مشكلة إدارية ويطالبون بوضع حل لها من وجهة نظرك ابداً ماكان فيه هذا السؤال انا آخر إختبار قبول اختبرته وحتى رحت وسألت عن هالكلام عند الدكتور الجيلاني أللي هو مسؤول عن الأختبار وقال مافيه هالسؤال هذا سؤال تخصص مو سؤال قبول مادري إذا كان موجود قبل مادري بس من قريب ماصارو يحطون هالسؤال
بالنسبة للإختبار كان أسهل مما تتوقعون مافيه سؤال مقالي كل الأسئلة كانت موضوعيه ( صح أو خطأ ) ( أختر الإجابة الصحيحة ) والأسئلة ذي عشان تجاوب عليها لازم تقرا كتاب مبادئ الإدارة العامة لاتحفظين اقرأي بس قراءة فهم كلها سهله مره واحنا نعيشها في حياتنا نمارس التنظيم والرقابة وقبل لانسوي شي لازم نخطط ونحتاج ميزانية عشان نبدأ كلها مفاهيم بحياتنا تتجلى بشكل واضح .
الأسئلة اللي بعد كذا أسئلة ذكاء أسئلة رياضية وكلها كانت من كتاب للدكتور طارق السويدان واللة ناسي اسم الكتاب بس اصبروا علي شوي وبجيب اسمه
فيه بعض الأسئلة كانت من كتاب الفكر التنظيمي اللي هو نظرية التنظيم مسمى المادة لكن الكتاب اسمه الفكر التنظيمي للدكتور عامر الكبيسي موجود في مكتبة خوارزم في الجامعة كان منه بعض الأسئلة وفيه ملخص للمادة موجود على النت
ممكن اي واحد فينا يستعين بالسيد قوقل ويكتب ( ملخص مادة الفكر التنظيمي )*
بس هذا اللي كان موجود في الأختبار وكان الأختبار موحد للطلاب والطالبات وسهل بعد
أي سؤال انا حاضر
أدعولي بالتوفيق
وفقكم اللة