وعليكم السلام ورحمة الله وبركاته
يعجبني في الموضوع طريقتك الحلوه والسريعه في الحصول على العلومه واستغلال التقنيات لانه في شباب مايعرف الا سؤال الطلاب وخاصة يجيه وقت ماحد فاضي له ... نصيحتي تروح للدكاتره برضو وخاصة الاجانب تحصلهم دائم في المكتب وبتطلع بمعلومات حلوه وفي التقرير بيكون لها وزن اكبر سواء في الدرجات او اثبات وجهة نظرك
وبرضو لو تبي طلاب عندك نفس مبنى IE201 حق التعليم عن بعد في الدور الثاني هناك في نادي اعتقد خاص بالكهرباء فروح لهم وخاصة بعد 12 العاده تحصلهم فاضين فكلمهم باسلوب حلو وخذ كلامهم وصورهم بعد وحطها في التقرير
بالنسبة لي انا طالب هندسة حاسب
1- كم عدد الخريجين من كلية الكهربة (الي تعرفهم )
ما اعرف لكن الظاهر لو تبحث في موقع الجامعه يجيك عدد الخريجين بالتفصيل وما اعرف ناس بتتخرج
2- سبب دخول التخصص (حباً في - عشان الفلوس - أو اي سبب أخر )
انا دخلت عن رغبة في الحاسب وبرضو قوة التخصص لها دور ... يعين اقصد في الوظفيه ... تقدر تحصل وظيفه اسرع من علوم حاسب وبراوتب اعلى
3- هل في نادي للكهربة و هل هو شغال
نعم وفي اكثر من نادي ولهم انشطه كثيييييره
4- ايش المشاكل الي تواجهك كمهندس كهربائي
في موضوع اللغه اكيد ... لانه حتى لو وصلت لمستويات مقدمه في اللغه ماراح تكون مثل اللي لغته الاساسيه الانجليزيه فالمشكلة تكون في الكتب حيث تاخذ وقت اطول في الفهم اما في الشرح مع الدكاتره والتواصل لا الموضوع هين وممكن تغلط وتتكلم غلط في البداية لكن مع التكرار تحصل نفسك تلقائي تفهم بسرعه وتتكلم بشكل مفهوم وواضح وباسلوب جيد
المشكلة الثانيه وهي وجود مواد تدرس ليس لها فائده في تخصصك او مبدئيا تظن انها ماتفيد (اوقات كورسات كامله واوقات جزء منها) لكن صدقني اغلبها مفيد وحتى لو ماهو في تخصصك ممكن تحتاج في احد الايام ويكفي يكون عندك فكره عنه وبرضو كثرة المواد تفتح دماغك وخاصة اللي خارج التخصص فاهم شي لا تقول باطنش هالماده لان شكلها ماتفيدني او تقول سالت فلان وقال مامنها فائده في الوظايف (هو ممكن ما احتاجها لكن غيره استفاد) ولا تقول بس ابي 60 دائما خلي طموحك على 100 وحتى في المواد اللي سمعتها سيئة صدقني مافي ماده صعب تاخذ فيها هالدرجه تحتاج تنظيييييييييييم للوقت وتحديد اولويات
ادري اني طولت لكني تحمست وقلت احط معلومات تفيد الجميع والله يعينك تلخص الكلام :d
وبالتوفيق