[The golden girl]

السلام عليكم ورحمة الله وبركاته....
موضوع للنقاش شفته في احد المنتديات فحبيت اشوف ارائكم وتعليقاتكم فجبته بشوشته ليكم


لا تعليق


البنت محجوزة لابن عمهاااا ؟؟؟؟؟

كتير اطفال بيسمعو انهم محجوزين لبنات عمهم والبنت بتسمع (وهي صغيرة) انها محجوزة لابن عمها..

طيب موافقين!
لسا ولاد صغار وما منعرف شو بصير بالمستقبل...

طيب

كبرو الاولاد وطنشو كل هاي الخراريف اللي خرفها جدهم
وصار الشب على وجه زواج
وحكا لابوه بدي اتجوز

طبعا هو مبسوووط

الاب قاللو لالالالالالالا انتا محجوز لبنت عمك وما راح تتجوز ولا وحدة الا هي !!

طبعا الشب مات فقع انجلط لانو يمكن بنت عمو بكرها ويمكن هي بتكرهو
ويمكن هو بكره طبع بيها وهي كمان بتكرة طبع بيه...!!؟؟

طيب شو العمل؟؟

الشب بيتجوز بنت عمو وهو بيسب على حالو وندمان انو في يوم من الايام قرر يتزوج!

والبنت بتسب اليوم اللي انولدت فيه

وكلو علشان الجد يحكي انو محجوز ومش محجوز!!
وبدمر اسرة كامله!

وازا البنت حكت لا وابن عمها بدو اياها (( وكانو محجوزين )) بصير الاب يقوللها بدك تفضحينا ؟ ما بنفع انا اعطيت اخي كلمة وانتو صغار
=========

طيب هم شو دخلهم
شو دخلهم تدمر حياتهم علشان ابوه يحجز بنت اخوه!!

انتظر ردودكو يا حلوين
ع الموضوع المهم ولو ان النسبة من هاي القصص قلت!
بس لا احد يقول مافي

انت\ي مع او ضد؟وليش؟