[Hamad.Y]

بسم الله الرحمن الرحيم





يسعد أيامكم أخواني بكل خير,,



الموضوع باين من عنوانه..كل واحد يكتب رأيه بالمهرجان أمس..

وبالنسبة لي أنا كنت متردد من الحضور..

لأني مو من جده مواصلاتي صعبه..صرت أعرف كل لوميزينات جدة مشاء الله

بس قلت يله أروح ويحلها حلال..

رحت والله..ويم وصلت الجامعة سألت عن الخيمة الرياضية..

نزلني التاكسي هناك..

وشفت الخيمة مولعه مشاء الله وكان فيه زحمة طلاب..

دخلت الخيمة..

وأستقبلونا الشباب عن البوابة الله يوفقهم..

وزعوا علينا كوبونات عشان السحب..وأعلام السعودية

حبيت الأجواء والتنظيم..

أنظمة الصوت..

الإضاءة..

الترتيب..

وروح الحماس..

كلها كانت أشياء مستبعده أنك تشوفها داخل الخيمة "العتيقه"..

أستمتعت كثير وحسيت أني أحب الجامعة..

خاصة بعد ما قال الدكتور أسامة الطيب في كلمته.."أنه لو كان يتمنى شيء فهو يتمنى أنه يرجع الزمن ويكون طالب بيننا بالجامعة"!!

وبعد الفقرات الممتعه..

أنتقلنا للمطعم المركزي بالباصات..وبعد العشاء توزعت الجوائز..

وجاء الوقت ألي كنت شايل همه (الرجعه)!!

طلعت من المطعم ومشيت أدور على أي بوابة..أطلع منها أشو لي تاكسي..

مشيت .. مشيت .. ومشيت ..ولسى قاعد مشي..وأشوف قدامي..وأحس أني بمشي إلى بكره

وبعد ما قطعت مسافه..وقف لي الطالب عبداللطيف ألي ألقى القصيدة بالحفل..

وقال لي وهو يضحك (فين رايح؟!)

قلت له ..للبوابه

قال أي بوابه؟!

(أقول بنفسي والله مدري وين الله حاطني)...قلت له أقرب بوابه..

قال خلاص أركب..

قلت له ..لا ماله داعي بمشي .. ماعندي مشاكل..<<من باب الأدب وإلا حسيت أنه نزل علي من السما..

فركبت..وسولفنا يوم وصلنا البوابة ..قال وين ساكن ..قلت له بفندق قريب من السلام هوليدي إن..

قال..أوووه على طريقي ..خلاص أوصلك..

فحسيت أني ثقييييييييييييييل دم..قلت له لا والله بنزل..ما يصير مابي أثقل عليك وكذا..

بس الرجال مايسمعني أبد..مشى ولا وقف إلا عند مكاني

بصراحة حسيته كبير بعيني مع أني ما أعرفه..

بس الله شاهد علي أني بموت وأنا ما نسيت هالشيء الطيب منه..

وكان يوم رائع بكل المقاييس!!



أترك المايك لكم..


تحياتي