يالغالي اذا مانت رغبان توكل على الله من بدري وارتاح
اذا مخوفتك المواد العامة اقولها لك ترى مي مقياس ابدا
فيه ناس في المواد العامة كانت معدلاتهم فوق اربعة ونص ومع مواد التخصص نزلت في الثلاثة
وفيه ناس العكس تمااااااااااامااا
كانت معدلاتهم 3 وبعد ماتخصصوا وصلوها 4
لكن هي على الرغبة
اذا انت راغب في تخصص معين راح تتاقلم وتمشي فيه
|
كلام أبوفهد صحيح .. وتحصل كثييييير
وفعلا اذا انت ماكان لك رغبة أصلا في الهندسة لكن دخلتها عشان أهلك أصروا ولا عشانك سامع انه مافي تخصص في الجامعة غير الطب والهندسة ... فصراحة اسمح لي انك غلطان
يعني قرار دخولك لكلية معينة ماهي زي ماتشتري جوال ولا لابتوب ولا سيارة وبعدين تقدر تتراجع عنه أو انك ممكن تندم فترة على اختيارك .. دا قرار مصيري في حياتك .. يعني في دي المرحلة بالذات ممكن تغير مصير حياتك بالكامل (يعني خلال ال 20 أو 30 سنة الجاية راح تفتكر انه كان بامكانك تكون محامي أو مهندس أو أو أو .. الخ)
وأنا أنصحك في البداية قبل ماتغير تخصصك تروح تسأل عن تخصصات الهندسة .. يمكن لعل وعسى في تخصص شفته عجبك أو لاءم ميولك (وزي ماقال أبو فهد .. مواد السنة الأولى أو العامة ليست مقياس)
واذا شفت انه ولاتخصص في الهندسة عاجبك .. على طول حول لكلية أخرى .. وأنصحك برضه قبل لاتحول لأي كلية انك تسأل برضه عن تخصصات الكلية .. لأنه التحويل من كلية لأخرى راح تتم لمرة واحدة فقط .. يعني عندك فرصة وحدة تغيرها بس
ونصيحة مهمة .. لاتتكاسل ولاتخجل انك تروح لدكاترة الأقسام أو الكليات وتسأل عن التخصصات .. لأنه زي ماقلتلك دا قرار مصيري راح يغير مجرى حياتك بكاملها
وفي النهاية استخير وتوكل على الله
وبالتوفيق إن شاء الله في التخصص اللي تختاره