السلام عليكم
اولا اعتذر عن التاخير في الرد بس كنت مشغوله
ثانيا اتوقع انكم عرفتو اسم الكتاب >> ما لي داعي الحين بس اعذروني
كتابنا هو :
Systems Analysis and Design With UML 2.0
An Object-Oriented Approach, Second Edition
في المرفقات سلايدات شابتر 1 و2 لانو بس هي الي اخذناها من هذا الكتاب
بالنسبه للمذاكره انا كنت اذاكر من الملخصات الي يعطينا اياها الدكتور ونفس الوقت اكتب معاه الشرح الي بيقوله واذاكر من الكتاب لانو ماكان صعب ولا كثير واصلا لمن تجو تقراو الكتاب تلاقو كل شرح الدكتور مكتوب فيه
وبعدين درسنا من كتاب هو صورو لنا كمان كان حلو وبسيط ووهو يقول كيف تذاكرو هذي الجزئية
والجزئية الاخيره من المنهج كان يقول ذاكرو بس من الملخص
وزي ما قلت نحن ما اخذنا شي كثير وفي الاخير كان بيختصر فممكن يكون غير شيء في المنهج هذا السميتر
بالنسبه للاختبارات اول شي اختبرنا كويز سوالين الاول نرسم وحده من رسمات
SYSTEM DEVELOPMENT Methodologies ما اذكر اي وحده فيهم بس كلهم مهمه
والسؤال الثاني يقولك اذا كان عندك نظام مواصفاته كذا وكذا ايش افضل 3 مثودولوجي تستخدميها وليه ؟
وهذا السوال جاء زيه في الدور الاول بونس وكان موجود في الكتاب
بقية اسئلة الدوري اختيارات وصح وخطا >>> بصراحه ما اذكر اذا كان في سؤال مقالي غير البونس خانتني الذاكره
اما اختبار النهائي كتبت الاسئلة اختي IT dancing doll وكمان نزلت الاجابات >>> لا تنسوها من دعوتكم واسئلة الشباب كان فيها شوية اختلافات
رابط الصفحة الي كان فيها الاسئلة :
http://www.skaau.com/vb/showthread.php?t=64291&page=20
وهذي الصفحة الي فيها الاجوبه :
http://www.skaau.com/vb/showthread.php?t=64291&page=24
نصيحتي لكم لا تتساهلو في المذاكره بحجة انو الماده سهله وفي اصعب منها
لانها تحتاج فهم وتركيز ترى الماده مفيده وتضمنو درجات فلا تضيعو الفرصه وللمعلوميه هذي الماده متطلب لمادة هندسة البرمجيات الحين نحن الحمدلله ماشين فيها عدل لاننا فهمنا 250 وترى الكتاب ممكن تستفيدو منو في بعض الاشياء كمرجع لمادة هندسة البرمجيات
وفي الاخير اتمنى منكم دعوة في ظهر الغيب
والله يوفقنا ويوفقكم