[انا نيوتن]

السلام عليكم ورحمة الله وبركاته
انا باجاوبك عن الدكتوره / ناديه عبدالغفار
دكتوره كلمة رائعه فيها قليله اخذت معها اداره استراتيجيه الترم اللي فات
شرحها مو بس تفهمي الا غصب عنك تفهمي وتكتبي الكلام معها مع عرض مساعد واسئلتها تعتمد على التحليل والفهم يعني انسي اختياري وصح وخطأ لكن ادخلي الماده وانتي هدفك المتعة وانك تستفيدي من تخصصك قبل لاتتخرجي من غير ولا معلومه
هذا رأيي الشخصي فيها حسيت معها ان العلم كله غير اروح لمحاضرتها وانا كلي حماس اذاكر بكل متعه لان المحاضرات اللي قدامي ممتعه وصلت للنهائي وقاعده احل في الاختبار وهدفي كله احط اللي برأسي وتشوف اللي عندي وانتظر تقييمها وش بيكون
صدقيني عمري ماهمتني الدرجه معها ولو كان اعطتني صفر كان انا مبسوطه لاني لقيت احد يعلمني
مو مثل الباقين الله يسامحهم لكن ولله الحمد دايم اخذ درجات معها وهي تعطيك حقك وتحاول تساعدك
لكن امانتها العلميه جدا عاليه

بصراحه الكلام عن هذي الدكتوره طويل والله لو اكتب صفحات عن تجربتي الماده معها مااخلص

واخيرا اقولك هذي وجهة نظر شخصيه وبالتوفيق للجميع