[ღღღبيـــاض الثــلـجღღღ]

آهلين أختي ضوضائية ....وأسئلتك ماهي تافهة ولاشي بالعكس حلوو انك تسألي وتستفسري وتعرفي الصح من الغلط وان شاء الله الكل ماراح يقصر معاكي....بس ممكن اعرف التكليف لاي ماادة

عاد انا ماشااءلله احب شي عندي وكنت مبدعة ولله الحمد في البحوث والتكاليف كنت الاقي استمتاع فيهاا يعني أي سؤال انا حاضرة ....
الي فهمته منك ان الاستاذة تبغى التكليف في فترة3شهور يعني فترة طويلة ماشاءالله وتقدري تعملي البحث على راحتك ........

ومدام قالت الاستاذة لايقل عن 5صفحات يعني كل مازادت صفحاتك والمعلومات يكون افضل حتى لو وصلت عشر صفحات.......
والفهرس هو الي نضع فيه المواضيع الرئيسية في البحث وارقام الصفحات ويكون عادة بعد صفحة الغلاف ....

اما قائمة المراجع تكون بالاخير نهاية التكليف وتضم قائمة الكتب او مصادر المعلومات الي استخدمتيها مرتبة ترتيب ابجدي...

والبحث على رغبتك لويكون في اهداء في المقدمة بس الي فهمته منك ان المطلوب تكليف موبحث يعني ماله داعي الاهداء

وعلى غلاف البحث تكتبي عنوان التكليف والاسم والرقم الجامعي واسم الاستاذة والمادة والشعبة وفي كمان البعض يحط في اول الصفحة فوق على جهة اليمين يكتبوا جامعة الملك عبد العزيز .وتحته كلية الاداب والعلوم الانسانية وتحته فسم علم الاجتماع... ويفضل تسويها في تكليفك...

واشوف مالة داعي تكتبي بحث وبعده تكتبي العنوان خلاص انتي اكتبي في غلاف التكليف عنوان التكليف وخلاص

واما بالنسبة للمقدمة والخاتمة في التكاليف كثير مايطالبوا فيها في التكاليف بس في البحث مثل قاعة بحث وبحث التخرج لازم بس انا عن نفسي في التكاليف كنت اجتهاد مني اعمل مقدمة صغيرة تمهيد للموضوع وخاتمة انهي فيها الموضوع وكان يطلع روعة ويعجب الاستاذة كثير ولله الحمد......

وفي وسط البحث اكيد مايكون كلام دش يكون مرتب بصورة حلووة ومقسم عناوين رئسية واحيانا تحت العنوان الرئيسي عنوان فرعي وكل جزئية ندعمهاا بصور مناسبة .....

وصفحات البحث تقدري ترقميهاا ترقيم الي من نفس برنامج الورد يعني مو يدوي....

وماشاءالله عليكي مانسيتي الحواشي السفلية .. هذي عاد شي مهم اعتبرة جدا لان أي معلومة تكتبية توثقيهاا
في بحث التخرج وقااعة بحث شي الزامي بس التكالبف مايلتزموا فيه بس كمان كنت اسويها اجتهاد مني ماشاءالله...


وفي الاخير اذا طبعتي البحث اعملي ليه تغليف حلزوني من مكتبة خوارزم ب5ريال اواي مكتبة خارج الجامعة
واتمنى اكون افتدك بجد واي استفسار انا في الخدمة

تمنياتي لكٍ بالتوفيق......