[عاشقة الندى]

المشاركة الأصلية كتبت بواسطة دربـ وفا ـي عاشقة الندى ما شاء الله والف مبروك ياقلبي عـ الأنتظام تصدقي معدلي يحولني انتظام .. بس المشكله انا مو حابته بالمره ألأنتظام .. لأني سمعت من بنات انتظام يقولوا الأنتظام اصعب بكثير من الأنتساب .. وغير كذا مجبره على قومة الصباح وووووو .. ذي مشكله والمشكله الثانيه الشهاده الثانويه ماتكون متأخره عن 3 سنين وللأسف شهادتي انا متأخره مدري ذي فرحه لأني انتساب ولا معاناه لأني يمكن ابي انتظام ؟؟؟؟ بس ممكن تعطيني اخبار الدراسه بالأنتظام ..؟؟ وعالعموم موفـــــــــــــــــــــــــــــــــــــقه يارب

:.. الله يبـــاركـ فيكي يااااارب ..:
شوفي ياقلبي من ناحية أصعب فأنا أشهد انو أصعب بس مو معناة دا انو الانتساب سهل لا ابدا بس يمكن كل واحد فيهم لو عيوبو وحسناتو ..
في الانتساب كُنّا مرفهين لآبعد درجة اللهم نجي قبل الاختبارات بشهر ننكرف مزبوط ونخلص << طبعا انا من زود الدوفرة كُنت أضغط امها في اسبوعين او تلاته ..
ومحد يقولك هاتي واجب ويحطكـ غياب وحاله يعني ..
طبعا ناهيكـِ عن قومة الصباح ( مو صباح الا فجر ) هادي لحالها مصيبة << اكثر شي متعبني
مافي سهر ولا لعب زي أول وخاصة انو الاختبارات الدورية عالآبواب << كدابه طول الوقت تلعب

بس كلو في سبيل التعلوم يهون ..

بس من قالكـ انو شهادة الثانوية آخر شي ثلاث سنوات ..
لا ياعسل يقبلو الين خمس سنوات .. لو دخلتي موقع الجامعه حتلاقيها في شروط التحويل ..
بس حرام دامكـ تبغي الانتظام ومعدلكـ يسمح ليه ماقدمتي .. !!
صحيح انو الانتظام كرف في كرف بس بالنهاية يظل أحلى من الانتساب << ياويلي لحد يسمعني من الانتساب
وخاصة اذا كنتي فااااااااضيه وماوراكي مسؤوليات يعني حرام تقضيها انتساب حولي أحسن حتستفيدي أكثر ..

الله يوفقكـ ياقلبي بدراستكـ وتسلمي عالسؤال


::.........::