السلام عليكم ورحمة الله وبركاتة
اولا
الف الف مبروك لطلاب جامعة الملك عبد العزيز عامة و طلاب كلية الهندسة خاصة على هذا الانجاز
الاكثر من رائع واللذي يعكس مدى تطور الجامعة واللي ان شاء الله انحس بقيمة التطور عند الوظيفة
ثانيا
فيه نقطة شدتني
واللي هيا الدروس الخصوصية والملخصات
انا مدري ايش اللي ينقص من الطالب انو ياخذ مدرس خصوصي او انو يذاكر من الملخصات ( طبعا انا ضد الاعتماد على المدرس الخصوصي الا بحالات خاصة )
ياخي عندنا وللاسف اغلب الدكاترة يدرسك للاختبار واحنا انذاكر للاختبار مو للفائدة
والطالب يبغى يجيب اعلى درجة يقدر عليها واغلب الدكاترة يشرح نظري وااخر المحاضرة يحللك مسالتين اما الخصوصي يفهمك الدرس بطريقة مبسطة وتشمل حل المسائل ومنها مسائل للاختبارات السابقة
وثق ثقة تامة انو الطالب مايلجا للخصوصي الا اذا كان الدكتور مايعرف يشرح
ونا اتكلم عن نفسي فيه مواد اخذت فيها مدرس خصوصي وجبت درجة حلوة اما اللي مااخذ واعتمدوا على شرح الدكتور اخذوا f او ماجابوا درجة كويسة
طبعا انا مااقلل من اهمية الكتاب او شرح الدكتور بس لازم يكون معاها ملخصات تساعدك بالمذاكرة
اما ثالث نقطة
اتمنى من الاشراف ايقاف بعض الاعضاء اللي شككوني اني بمنتدى كلية الهندسة
بالتوفيق للجميع
