رد: خلونا نداكر سواااا < خطهـ أ >
1.3
بسم الله الرحمن الرحيم ..
اول شئ دا الجزء بيتكلم عن الدوال (function) وايش مجالها والمدى اللي تاخذوا قيم x فيها
وبعدين رسمها ....
يقولك الفنكشن هي عباره عن مجموعة من D المجال..الى Y المجال المقابل التي تعين صوره وحيده لـ f(x)i تتنتمي لـY
لكل عنصر x ينتمي لـ D ..
ايش معنى دا الكلام ..!!
دحين ازا سويتي الشكل اللي كنا نسويه في الثنوي اللي هوا المجال والمجال المقابل وبعدين نوصل بأسهم..
حيكون عندك D اللي هيا المجالdomain وطبعاً تحتوي على قيم الـx لازم يطلع من كل عنصر سهم واحد فقط..
اما f(x)i المجال المقابل cadomain اللي يحتوي قيم y عادي يوصلها سهم او لا او حتى اكتر من سهم في نفس العنصر..
والعناصر اللي يوصلها سهم او اكتر من المجال المقابل نسميها المدى range للداله ونرمزله Rf..ودا تعريفه مهم تحفظيه {Rf={f(x):x D ..
...ويقول لك ان Y او f(x)i متغيرتابع dependent يعني يعتمد على قيمة x ..اما x فهوا independent يعني مستقل..
وفي جدول في الكتاب دا مهم تحفظيه صفحة 20 ..الدومين والرنج لدوال معينه .. اللي في الاكزامبل1
ودحين نجي لرسم الدوال طبعاً مايحتاج لها شئ بس هما يجيبولك داله ومجالها او احياناً مايجيبوا المجال وانتي تفرضي قيم للـx وتعوضي في الفنكشن وتجيبي قيمة الـy اللي هيا f(x)i وتتطلع لك نقاط تحدديها على المحاور وترسمي عادي
واذا جابولك مجال طبعاً راح تتقيدي وقت ماتفرضي النقاط على المجال يعني مثلا قالوا لك الدومين [2,-2] فراح تفرضي نقاط الـx بس من 2الى -2 يعني 0,1,-1 ,2,-2 بس...
شوفي الاكزامبل وطبقي بتعرفي دا الكلام ..
الى الان مافي كلام جديد
............
بآآآآآآآخد بريك ساعة وراجعه اكمل الباقي ..
:)
|