[القمره]

وعليكم السلام ورحمة الله وبركاته
أنا بعد آخذ مبادئ قانون عند ليندا وسألتها عن البحث وقالت مو شرط عن مبادئ قانون يعني مو كيفية نشأته وتاريخه وذا الكلام يعني تبغى عن أي شيئ في القانون بكل أنواعه مايكون عام يعني مثلا موتختارين موضوع كبير زي القانون الدستوري او الجنائي ... أو حقوق الاسره أو شي زي كذا لا هي قالت تبغئ جزئيه مثلا لو تبغين القانون الجنائي تختارين جريمه وتشوفين كيفية حصولها عقوبتها أسبابها وكل شي عنها ومثلا لو تبغين حقوق الأسره تختارين مثلا حقوق الأبناء وتكتبين عنها من جميع النواحي يعني لازم البحث يكون جزئيه صغيره عشان يكون البحث شامل وكامل لأنك لو إخترتي موضوع كبير وعام ماراح تقدرين تغطين كل شي فيه .
وحلو لو تقدرين تاخذين موضوع يكون فيه تقسيمات بسيطه وفروع .
واذا على المراجع تقدرين تروحي المكتبه المركزيه وتختارين موضوع وتبحثين عن كتب تساعدك وممكن النت بعد لكن إذا من النت لازم تغيرين فيه يعني مايكون نسخ ولصق ولازم تكتبي لها الرابط وحاولي تنوعي من مراجعك .وانتبهي لازم المراجع تكون عن النظام السعودي وممكن تدخلين اشيا بسيطه من القوانين العربيه لكن الموضوع عامة يكون في النظام السعودي . إن شاء الله تكوني فهمتي علي