رد: أنا هنا لأي إ ستفسارات في مجال العلاج الطبيعي
اهلين حبيبتي مايا المعدلات المطلوبه على ماظن وقفو السنه دي تقريبن عند 4.30 بس انتي حاولي تجيبي اكتر علشان تضمني قبولك في الكليه دي وبالنسبه للتخصصات مافي شي افضل من شي كلهم زي بعض وكلهم حلوين ومطلوبين شوفي ايش انتي تحوبي اكتر والله يوفقك بيه :):)
سايلنت سنو اكيد طبعا حجاوبك عللي اعرفو والله يوفقك وتتخصصي بيه ان شا الله :)
1- القسم يعتمد على اي ماده من المواد العلميه ( فيزيا او ايش يعني زي كدا )
يعتمد القسم دا على معرفه تكوين اجزاء جسم الانسان يعني معتمد كتير على علم وظائف الاعضاء (فسيولوجي )
يعني تعرفي تفصيل الجسم والعضلات اللي فيه وكدا
2- في تدرسو رياضيات لا سمح الله ؟ وايش لمواد الي تندرس في القسم في كل السنوات الين التخرج ؟
لا طبعا مافيه رياضيات ابدددددددددا قسم الاشعه هوا اللي فيه رياضيات :) والمواد اللي تندرس لي عوده بالخطه الدراسيه ان شا الله
3 كم سنه دراسة العلاج ؟
4 سنوات + سنه الامتياز اللي بالمستشفى
4- سنة التخرج يخلوك انتا تختار المستشفى او لا ؟
الله اعلم على مااظن ايوه :)
5- سنه الامتياز عباره عن ايش ؟ ايش تسوو يعني ؟
تكوني متدربه في العلاج الطبيعي يعني تسيري انتي الاخصائيه وانتي اللي تعالجي المرضى وتاخدي راتب موظف يعني كانك موظفه :):)
6- بسمع كتييييييييييييييير انو حقون العلاج الطبيعي يشيلو المرضى ودا شي يتعب مره يقولو !
هل الكلام دا صحيح وانك تشيل المريض فوق ولا بس عادي تدفو بكرسي المستشفى ؟
والله انا قبل لادخل سالت نفس سوالك للدكتورة قالت لا وقالت انو يكون معاكي فنيه تساعدك وكدا بس انوشيل وتعب ويحتاج قوه لا :)
7- السنه دي لو ابا احول ترم تاني ينفع ؟ وكم المعدل المطلوب ؟
لا ماينفع للاسف النظام سنوي في الكليات الصحيه المعدل المطلوب 4,30 وامكن اقل بشويه بس انتي حاولي تجيبي عالي ماتعرفي امكن دفعتك يكونو شطار او شي ماشاالله
وبس :)
|