[sun-rise]

السلام عليكم ورحمة الله وبركاته , حبايبي يا حلوين اللي كتابهم الإحصاء الطبعة السادسة وجاهم هادا السؤال في الإختبار ( بلييييييييييييييز أعصروا مخكم وحاولو تفتكرو السؤال ) :
The Bar Graph is used to represent :

Quantitative variables
Qualitative variables
Explanatory variables

الجواب الصحيح هوا Qualitative variables
قبل لا تزعلوا إزا ما حلتوه صح , هادي المعلومة مهي موجودة في الطبعة السادسة أصلاااااااااااا , يعني الأساتزة والدكاترة اللي حطو هادا السؤال ما راعو إنو في فروق في المعلومات بين الطبعتين وضاقت عيونهم عن كل المعلومات المشتركة بين الطبعتين وجابوا سؤال مهو موجود في السادسة , وكأنهم بيعاقبونا لأننا ما اشترينالهم الطبعة السابعة واستعملنا طبعة سابقة !!! مع العلم إنو أستازتنا قالت بالحرف الواحد : إنو مافي فروق في طبيعة المعلومات , اللهم الفرق الوحيد هوا في توزيع الصفحات وأرقام الأمثلة والتدريبات . وبناء على هادا الكلام أرجو من كل طالبة وقع عليها هادا الظلم بإنو تطلبو مباشرة من أستازات الإحصاء بإنو يشوفولهم حل لهادي الفقرة , حتى ما يظلموا بنات الطبعة السادسة !!!!!!!! لأنو هادا ظلم بكل معنى الكلمة !!!
وبليز لاتقولو : ياشيخ هيا فقرة وحدة يعني إيش حيكون منها ضرر ؟
(لأنو محد عارف ولا ضامن نفسو إيش سوا فباقي الأسئلة , أفرضي وحدة غلطت فأربعة فقرات , يعني بدل ما تنقص على اللي ما حلتووبس, لا تنقص بونس كمان على شي أصلا مهو موجود في كتابها !!!!!) . معليش إن كنت طولت عليكم بس لأنو الأستازة مهي متعاونة أبدا لا وتقول بكل بجاحة :( أنا مني مسؤولة عن الفروقات بين الطبعات , إنتي لازم تراعيها ) . أبغا أعرف يعني كيف لازم أراعي الفروق ؟ أمسك الطبعة السابعة اللي مدري من 200 ولا 300 صفحة وأجلس أدور عالأشياء الزايدة ؟؟؟!! -ليش يا بنات نخليهم يتقووا علينا ويتلاعبوا بدرجاتنا على مزاجهم _ دام إنهم عارفين أنو فيه معلومات ناقصة في الطبعة السادسة , ليه ما يفكونا ويقولو من أول الترم بعبارة واضحة : الدراسة ستتم في السنة الحالية من الطبعة الفلانية وخلاص .
أستغفر الله العظيم رفعولي ضغطي وبس . ياريت كل مين واجهتها نفس المشكلة تتعاون في الوضوع .