[فرحة]

الله يسعدكم يا بنات شدو الهمه
اذا وحده جاها احباط وطفشت لازم تتذكر انو مرور السنه دي حيكون سريع جدا وحتمر هوااااا
دا حيهون عليكم الطفش من الدراسه
واتذكرو كل ما جاكم احباطات خارجيه اقصد اي احد يقلكم ايش تبغو من الدراسه والي ما درس من اول بعد الثانوي مبارشره مالو داعي يدرس دحين الكلام موجه للامهات الي زي حالاتي لانو النقد بيجيني كتير من كل الناس الي حوليني
على طول اغمض عيوني اتذكر بسرعه انو بعد مرور اربع سنوات حكون مدرسه ودا حلمي الكبير
واتخيل اذا مرت الاربع سنوات وانا لسا مكانك سر اي ربة منزل وبس كل ما افعله هو جلوسي في المنزل منتظره لا شيئ الفراغ يقتلني
اكرر كلامي لكل ام لها طموح بس في عوائق بتعيقها زي اولادها ووقت الدراسه ضيق مره واحباطات خارجيه من معظم الناس ارمي كل دا ورا ظهرك وقولي بعد مرور اربع سنوات احب اكون مدرسه او او او
وما احب تمر اربع سنوات والاقي نفسي مكانك سر زي ما انا ما عملت شي ما حققت شي